प्रत्येक वर्गातील पटसंख्या वाढवणार CBSEचा मोठा निर्णय
शाळांमध्ये प्रत्येक विभागात ४० विद्यार्थी या नियमात किरकोळ सुधारणा करून ही मर्यादा ४५ पर्यंत वाढवली आहे.
eduvarta@gmail.com 
एज्युवार्ता न्यूज नेटवर्क
सेंट्रल बोर्ड ऑफ सेकंडरी एज्युकेशन (CBSE) ने प्रत्येक वर्गातील पटसंख्या वाढवण्याचा निर्णय घेतला आहे. शाळांमध्ये प्रत्येक विभागात ४० विद्यार्थी या नियमात किरकोळ सुधारणा करून ही मर्यादा ४५ पर्यंत वाढवली आहे अशी माहिती सीबीएसईने नोटीसद्वारे दिली आहे.
विद्यार्थी त्यांच्या पालकांच्या बदलीमुळे वार्षिक सत्राच्या मध्यभागी प्रवेश घेतात आणि अत्यावश्यक पुनरावृत्ती (ER) श्रेणीत येतात. या प्रकरणांना लक्षात घेऊन तसेच अशा विद्यार्थ्यांच्या प्रवेशाबाबत शाळांनी केलेल्या निवेदनानंतर हा निर्णय घेण्यात आल्याचे बोर्डाने आपल्या निवेदनात म्हटले आहे.
बोर्डाने स्पष्ट केले की, ही सूट प्रत्येक प्रकरणावर अवलंबून असेल. यासाठी शाळेला आवश्यक कागदपत्रांसह संबंधित क्षेत्रीय कार्यालयाकडे अर्ज करावा लागणार आहे.
दरम्यान, सीबीएसईने शाळांना सामान्य नियम म्हणून ही सुविधा वापरू नये आणि जास्तीत जास्त 40 विद्यार्थ्यांची संख्या मर्यादित ठेवण्याचे निर्देश दिले आहेत. "तथापि, ही सुविधा शाळेसाठी एक सामान्य नियम मानली जाऊ नये आणि ती अतिशय विवेकपूर्णपणे वापरली जावी, अशी सूचनाही बोर्डाने दिली आहे.
