UGC : खाजगी विद्यापीठांना बाह्य कॅम्पस केंद्र स्थापन करण्यासाठी फ्रेमवर्क प्रसिद्ध

एज्युवार्ता न्यूज नेटवर्क

व्यावसायिक हितसंबंधांऐवजी (Professional relationship) भविष्यातील शैक्षणिकदृष्टीच्या अनुषंगाने UGC ने खाजगी विद्यापीठांना त्यांच्या संबंधित राज्यांमध्ये बाह्य कॅम्पस केंद्र स्थापन करण्यासाठी रूपरेषा प्रसिद्ध (UGC notifies framework) केली आहे.  

UGC (खाजगी विद्यापीठांमध्ये मानकांची स्थापना आणि देखभाल) नियमन, 2003 अंतर्गत कॅम्पस बाह्य केंद्र सुरू केली जाऊ शकतात. अर्ज प्रक्रियेतील पारदर्शकता सुधारण्यासाठी आयोगाने काही दिवसांपुर्वी कॅम्पस बाह्य केंद्रे सुरू करण्याची खाजगी विद्यापीठांना मान्यता दिली. 

UGC च्या सूचनेनुसार खाजगी विद्यापीठे कॅम्पस बाह्य केंद्र उघडू शकतात, जर संबंधित राज्य विद्यापीठ कायद्यात ज्या अंतर्गत विद्यापीठाची स्थापना झाली आहे, तशी तरतूद आहे. मात्र, पाच वर्षांपूर्वी स्थापन झालेल्या खासगी विद्यापीठाला अशी केंद्र सुरू करता येणार नाहीत. विद्यापीठाला मुख्य कॅम्पसच्या बरोबरीने पायाभूत सुविधा,  प्राध्यापक आणि कार्यक्रमांची गुणवत्ता राखावी लागेल.

UGC च्या नोंदीनुसार 471 खाजगी विद्यापीठे आहेत. परंतु UGC ने कोणत्याही खाजगी विद्यापीठासाठी ऑफ-कॅम्पस सेंटर मंजूर केलेले नाही. अनेक खाजगी मालकीच्या विद्यापीठांना यूजीसीच्या मान्यतेने कॅम्पस बाह्य केंद्र सुरू करण्याची परवानगी देण्यात आली आहे.

राज्य खाजगी विद्यापीठाने ऑफ-कॅम्पस सेंटरमध्ये विशिष्ट कार्यक्रम सुरू करण्यासाठी संबंधित वैधानिक किंवा नियामक संस्थेकडून वचननामा प्रसिद्ध करणे आवश्यक आहे. कार्यक्रम किंवा विभागांचा विस्तार आणि जागांमध्ये वाढ केवळ वैधानिक प्राधिकरण आणि विद्यापीठाच्या शैक्षणिक परिषद किंवा कार्यकारी परिषदेच्या मान्यतेनेच होऊ शकते. युनिव्हर्सिटीच्या संकेतस्थळावर मान्यता प्रदर्शित कराव्या लागतील, असे यूजीसी नोटिसमध्ये नमूद केले आहे.

नोटीसमध्ये म्हटले आहे की, राज्य खाजगी विद्यापीठांनी कॅम्पसच्या बाहेर केंद्रे सुरू करण्यासाठी स्थायी समितीकडे प्रस्ताव पाठवावा.  ज्याची UGC द्वारे त्रैमासिक तपासणी केली जाईल आणि उल्लंघन झाल्यास, आयोग केंद्र बंद करू शकते आणि विद्यार्थ्यांना स्थलांतरित करू शकते. मुख्य परिसरात केंद्र सुरू करण्यासाठी राज्य खाजगी विद्यापीठाला जमीन मालकीची किंवा किमान 30 वर्षांसाठी जमीन भाड्याने घ्यावी लागेल, नोटीसमध्ये म्हटले आहे की, केंद्राच्या स्थापनेसाठी, यूजीसी प्रक्रिया शुल्क म्हणून 10 लाख रुपये आकारेल.