11th admission : नॉन क्रिमी लेअर नसले तरी अकरावीत प्रवेश
शालेय शिक्षण विभागाचे कक्ष अधिकारी विवेक सपकाळ यांनी नॉन क्रिमी लेअर प्रमाणपत्र सादर करण्यासाठी तीन महिन्यांची मुदत दिली जात असल्याचे पत्र पुणे विभागीय शिक्षण उपसंचालक कार्यालयाला सायंकाळी पाठविले.
eduvarta@gmail.com 
एज्युवार्ता न्यूज नेटवर्क
इयत्ता अकरावी प्रवेशाची (11th admission) पहिली यादी जाहीर झाल्यानंतर विद्यार्थी संबंधित कनिष्ठ महाविद्यालयामध्ये (junior college) प्रवेश घेण्यासाठी गेले. परंतु, नॉन क्रिमी लेअर प्रमाणपत्र (Non Creamy Layer Certificate) नसल्यामुळे अनेक विद्यार्थ्यांना प्रवेश नाकारण्यात आला. मात्र नॉन क्रिमी लेअर नसले तर विद्यार्थ्याकडून हमीपत्र लिहून घेऊन प्रवेश द्या, अशा सूचना शिक्षण विभागातर्फे (educational department) देण्यात आल्या आहेत. परिणामी विद्यार्थ्यांचा प्रवेशातील अडथळा आता दूर झाला असून तीन महिन्यांच्या आत विद्यार्थ्यांना नॉन क्रिमी लेअर सादर करावे लागणार आहे.
शालेय शिक्षण विभागातर्फे इयत्ता अकरावी ऑनलाइन प्रवेश प्रक्रिया राबवली जात आहे शिक्षण विभागातर्फे २१ जून रोजी प्रवेशाची पहिली यादी प्रसिद्ध करण्यात आली मात्र नॉन क्रिमीलेअर प्रमाणपत्र नसल्यामुळे अनेक विद्यार्थ्यांना प्रवेश नाकरण्यात आला. त्यावर विविध संघटनांनी पुणे विभागीय शिक्षण उपसंचालक राजेंद्र आहिरे यांची भेट घेतली. तसेच प्रमाणपत्र सादर करण्यास मुदत देण्याची मागणी केली होती. त्यावर शिक्षण विभागाकडे पत्रव्यवहार सुरू असल्याचे आहिरे यांनी सांगितले. दरम्यान, शालेय शिक्षण विभागाचे कक्ष अधिकारी विवेक सपकाळ यांनी नॉन क्रिमी लेअर प्रमाणपत्र सादर करण्यासाठी तीन महिन्यांची मुदत दिली जात असल्याचे पत्र पुणे विभागीय शिक्षण उपसंचालक कार्यालयाला सायंकाळी पाठविले. त्यामुळे अकरावी प्रवेशात निर्माण झालेली अडचण दूर झाली आहे.
नॉन क्रिमी लेअर प्रमाणपत्र सादर करण्यास मुदत देण्याची मागणी विविध संघटनांनी पुणे विभागीय शिक्षण उपसंचालक राजेंद्र आहिरे केली .यावेळी पुणे जिल्हा राष्ट्रवादी काँग्रेसचे उपाध्यक्ष सुरेश खुर्पे,पुणे शहर दलित पँथरचे अध्यक्ष प्रकाश साळवे,पुणे शहर काँग्रेसचे सचिव राहुल तायडे,वंचित बहुजन आघाडीचे अतुल झोडगे,मनसेचे प्रशांत वर्मा,श्रीनिवास दिसले,अनिल शेवरे, शंकर जमादार, अमरजित पबमे, प्रेम राजगुरू आदी उपस्थित होते.
