बायकोच्या साडीचे कारण दिले, विद्यार्थिनीला घरी बोलावले; सेवानिवृत्त प्राचार्याचे १५ वर्षीय मुलीसोबत घाणेरडे कृत्य

एज्युवार्ता न्यूज नेटवर्क 

शिक्षण क्षेत्रात आदर्श मानले जाणाऱ्या व्यक्तीकडून अल्पवयीन मुलीवर झालेल्या विनयभंगाच्या (Molestation of a Schoolgirl) धक्कादायक घटनेने गोंदिया जिल्ह्यात (Gondia Crime News) संतापाची लाट उसळली आहे. देवरी येथील सेवानिवृत्त प्राचार्य (Retired Principal) काशिनाथ शहारे यांच्यावर १५ वर्षीय शाळकरी मुलीचा विनयभंग केल्याप्रकरणी पोक्सो (POCSO) कायद्यांतर्गत गुन्हा दाखल करण्यात आला आहे. एवढी गंभीर घटना घडलेली असताना आरोपी अद्यापही फरार (The accused is absconding) असल्याने पोलिसांच्या तपास पद्धतीवर गंभीर प्रश्न उपस्थित झाले आहेत.

मिळालेल्या माहितीनुसार, काशिनाथ शहारे हे देवरीत आपल्या घरी एक वसतिगृह चालवतात. या वसतिगृहात राहणाऱ्या १५ वर्षीय पीडित मुलीला त्यांनी “पत्नीच्या साडीला इस्त्री करून दे” या बहाण्याने घरी बोलावले. मुलगी घरात आल्यानंतर आरोपीने तिचा हात जबरदस्तीने पकडला आणि खोलीत नेले. खोलीत बेडवर नेल्यावर पिडीत मुलीला पैशांचे आमिष दाखवून तिच्या मनाविरुद्ध गैरकृत्य करण्याचा प्रयत्न केला. घाबरलेल्या मुलीने ही घटना आपल्या मैत्रिणींना सांगितल्यानंतर देवरी पोलीस ठाण्यात तक्रार दाखल करण्यात आली आहे.

देवरी पोलिसांनी तक्रारीनुसार तात्काळ काशिनाथ शहारे यांच्याविरुद्ध पोक्सो कायद्यांतर्गत गुन्हा नोंदवला आहे. एकीकडे राज्यात अल्पवयीन मुलींवरील अत्याचाराच्या घटनांमुळे सतत संताप व्यक्त होत असताना, दुसरीकडे शाळेत आणि वसतिगृहात ज्या शिक्षकांच्या भरवशावर मुलींना सोडले जाते, त्यांच्याकडूनच असे गैरकृत्य घडल्याने स्थानिक नागरिक आणि पालकांमध्ये तीव्र नाराजी पसरली आहे. पीडित मुलगी सध्या मानसिक आघात सहन करत असून, तिच्या कुटुंबीयांनी तिला सुरक्षित ठेवण्यासाठी प्रशासनाकडे मदत मागितली आहे.