खेळामध्ये सातत्य असल्यास यश निश्चित मिळते: कृष्णकुमार गोयल
अंतर विभागीय हॉकी स्पर्धेसाठी पुणे, नाशिक आणि अहिल्यानगर या तिन्ही जिल्ह्यातील विविध महाविद्यालयातील संघ सहभागी झाले,
eduvarta@gmail.com 
एज्युवार्ता न्यूज नेटवर्क
खेळामध्ये खेळाडूंनी सातत्य ठेवणे खूप आवश्यक आहे सातत्याने केलेले प्रयत्न हे कोणत्याही क्षेत्रात यश मिळवून देतातच. त्यामुळे खेळाडूंनी सरावात सातत्य ठेवणे आवश्यक आहे,असे मत खडकी शिक्षण संस्थेचे अध्यक्ष कृष्णकुमार गोयल यांनी व्यक्त केले.
सावित्रीबाई फुले पुणे विद्यापीठ पुणे क्रीडा विभाग आणि टिकाराम जगन्नाथ महाविद्यालय (स्वायत्त) खडकी पुणे यांचे संयुक्त विद्यमाने सावित्रीबाई फुले पुणे विद्यापीठ हॉकी स्टेडियम येथे आयोजित करण्यात आलेल्या अंतर विभागीय मुले-मुली हॉकी स्पर्धेच्या उद्घाटन प्रसंगी कृष्णकुमार गोयल बोलत होते.यावेळी क्रीडा संचालक डॉ. महेश बेंडभर,खडकी शिक्षण संस्थेचे सचिव आनंद छाजेड , संचालक रमेश अवस्थे, काशिनाथ देवधर, प्राचार्य डॉ. संजय चाकणे सावित्रीबाई फुले पुणे विद्यापीठ क्रीडा संचालक सुदाम शेळके, महाराष्ट्र हॉकी फेडरेशन चे वरिष्ठ उपाध्यक्ष डॉ. मनोज भोरे , सावित्रीबाई फुले पुणे विद्यापीठाचे सिनेट सदस्य श्री, रमेश गायकवाड, पुणे जिल्हा विभागीय क्रीडा समितीचे सचिव अमेय काळे तसेच सदस्य दिनेश कराड उपस्थित होते.
अंतर विभागीय हॉकी स्पर्धेसाठी पुणे, नाशिक आणि अहिल्यानगर या तिन्ही जिल्ह्यातील विविध महाविद्यालयातील संघ सहभागी झाले, अशी माहिती क्रीडा संचालक डॉ. महेश बेंडभर यांनी दिली.या कार्यक्रमाचे सूत्रसंचालन डॉ. अविनाश कोल्हे तर आभार डॉ. सुदाम शेळके यांनी मानले.
