मुंबईच्या महापौर पदाच्या उमेदवार रितू तावडे यांचे शिक्षण आणि शैक्षणिक कार्य 

एज्युवार्ता न्यूज नेटवर्क

भारतीय जनता पक्षाने बृहन्मुंबई महापालिकेसाठी (BMC) रितू तावडे (Ritu Tawade) या महिला उमेदवाराची महापौरपदी घोषणा (Announcement of the Mayor's position) केली आहे. महापौर पदी घोषणा झालेल्या रितू तावडे यांचे शिक्षण, वेतन आणि शैक्षणिक काय याची थोडक्यात माहिती घेण्याचा प्रयत्न करू.  मिळालेल्या माहितीनुसार, रितू तावडे यांचे एस.वाय. बी.कॉम पर्यंत शिक्षण (S.Y. B.Com Education) घेतले आहे. तर त्यांचे शिक्षण क्षेत्रात चांगले कार्य आहे. BMC महापौरांना मानधन मिळते. त्यांचे मानधन दरमहा अंदाजे ७.५ हजार रुपये आहे. याव्यतिरिक्त, त्यांना विविध भत्ते आणि फायदे मिळतात, ज्यांचे एकूण वेतन सुमारे ५० ते ५५ हजार रुपये (Salary 50,000 to 55,000 rupees) मिळते.

हेही वाचा - प्रमोद महाजन, बजरंग सोनवणेंनी शिक्षण घेतलेली जिल्हा परिषद शाळा इतिहास जमा

रितू तावडे यांच्या शिक्षणाबद्दल बोलायचे झाले तर, त्यांनी १२ वी पूर्ण केली. त्यानंतर १९९५-९६ दरम्यान त्यांनी चेंबूर, मुंबई येथील एन.जी. आचार्य कॉलेजमधून एस.वाय. बी.कॉम केले. राजकारणात येण्यापूर्वीच त्यांना शिक्षणाचे महत्त्व समजले आणि त्यानंतर त्यांनी महानगरपालिकेतील शैक्षणिक कामावर लक्ष केंद्रित केले.

रितू तावडे यांनी शिक्षण समितीच्या अध्यक्षा म्हणून काम केले आहे. महानगरपालिकेतील त्यांच्या कार्यकाळात, त्यांनी अनेक महत्त्वाच्या जबाबदाऱ्या सांभाळल्या आहेत. मुंबई महानगरपालिकेच्या शिक्षण समितीच्या अध्यक्षा म्हणूनही त्यांनी काम केले. या काळात, त्यांनी महानगरपालिकेच्या शाळांशी संबंधित मुद्द्यांवर सक्रियपणे काम केले. शिक्षण, बालसंगोपन सुविधा आणि शाळेची परिस्थिती सुधारणे हे त्यांचे प्राधान्य राहिले आहे.

रितू तावडे यांना तळागाळातील नेत्या म्हणून ओळखले जाते. त्या त्यांच्या क्षेत्रातील लोकांशी थेट संपर्क साधतात आणि नागरी समस्यांना जागेवर समजून घेण्याचा प्रयत्न करतात. रस्ते, पाणी, स्वच्छता, शाळा आणि आरोग्य यासारख्या मुद्द्यांवर त्यांची सक्रियता अनेकदा दिसून येते.