बीएड प्रवेशाची पहिली गुणवत्ता यादी जाहीर; राज्यातील १८ हजार २७५ विद्यार्थ्यांना प्रवेशाची संधी
पहिल्या फेरीसाठी राज्यातील ४६३ बीएड महाविद्यालयांमध्ये ३२ हजार ७७८ जागा उपलब्ध होत्या. त्यापैकी १८ हजार २७५ विद्यार्थ्यांना त्यांच्या पसंतीक्रमानुसार विविध महाविद्यालयांमध्ये जागा अलॉट (Allot) झाली आहे.
Eduvarta
0
एज्युवार्ता न्यूज नेटवर्क
राज्य सामाईक प्रवेश परीक्षा कक्षातर्फे (CET Cell) शैक्षणिक वर्ष २०२६-२७ साठीच्या शिक्षणशास्त्र (B.Ed) अभ्यासक्रमाच्या केंद्रीभूत प्रवेश प्रक्रियेची (CAP) पहिली प्रवेश वाटप यादी जाहीर करण्यात आली आहे. पहिल्या फेरीत राज्यातील ४६३ महाविद्यालयांमधील एकूण १८ हजार २७५ विद्यार्थ्यांना प्रवेशाची संधी मिळाली आहे, अशी माहिती सीईटी कक्षाचे जनसंपर्क अधिकारी यांनी प्रसिद्धीपत्रकाद्वारे दिली.
राज्य सामाईक प्रवेश परीक्षा कक्षातर्फे (CET Cell) शैक्षणिक वर्ष २०२६-२७ साठीच्या शिक्षणशास्त्र (B.Ed) अभ्यासक्रमाच्या केंद्रीभूत प्रवेश प्रक्रियेची (CAP) पहिली प्रवेश वाटप यादी जाहीर करण्यात आली आहे. पहिल्या फेरीत राज्यातील ४६३ महाविद्यालयांमधील एकूण १८ हजार २७५ विद्यार्थ्यांना प्रवेशाची संधी मिळाली आहे, अशी माहिती सीईटी कक्षाचे जनसंपर्क अधिकारी यांनी प्रसिद्धीपत्रकाद्वारे दिली.
राज्यात बीएड अभ्यासक्रमाच्या प्रवेशासाठी एकूण ६३ हजार ७०३ विद्यार्थ्यांनी नोंदणी केली होती. त्यापैकी विहित मुदतीत ५५ हजार १९८ विद्यार्थ्यांनी महाविद्यालयांचे पसंतीक्रम (Option Form) भरले होते. त्यामुळे पहिल्या कॅप फेरीच्या महाविद्यालय वाटपासाठी केवळ याच विद्यार्थ्यांच्या पसंतीक्रमाचा विचार करण्यात आला.
पहिल्या फेरीसाठी राज्यातील ४६३ बीएड महाविद्यालयांमध्ये ३२ हजार ७७८ जागा उपलब्ध होत्या. त्यापैकी १८ हजार २७५ विद्यार्थ्यांना त्यांच्या पसंतीक्रमानुसार विविध महाविद्यालयांमध्ये जागा अलॉट (Allot) झाली आहे.
पहिल्या फेरीमध्ये ज्या विद्यार्थ्यांना महाविद्यालय मिळालेले (Allot) आहे, अशा सर्व उमेदवारांनी दिनांक ७ सप्टेंबर ते १० सप्टेंबर २०२६ दरम्यान मिळालेल्या महाविद्यालयात प्रत्यक्ष हजर राहणे आवश्यक आहे. या कालावधीत सर्व मूळ कागदपत्रांची पडताळणी करून व निर्धारित शुल्क (Fees) भरून आपला प्रवेश निश्चित करावा, असे आवाहन सीईटी कक्षातर्फे करण्यात आले आहे.
