भारत को जानो प्रश्नमंजुषेत फडके विद्यालयाचे उल्लेखनीय यश
स्पर्धेच्या वरिष्ठ गटात विद्यालयाने द्वितीय क्रमांक मिळविला. या गटात इयत्ता नववीतील कृष्ण दिनेश जाधव आणि इयत्ता दहावीतील श्रीहर्ष प्रमोद पिंगळे यांनी विद्यालयाचे प्रतिनिधित्व केले.
Eduvarta
एज्युवार्ता न्यूज नेटवर्क
महाराष्ट्र एज्युकेशन सोसायटीच्या ए. व्ही. बी. फडके विद्यालय, न्यू पनवेल इंग्रजी माध्यमाच्या माध्यमिक विभागाने भारत विकास परिषदेतर्फे आयोजित आंतरशालेय ‘भारत को जानो’ प्रश्नमंजुषा स्पर्धेत उल्लेखनीय यश संपादन केले.
स्पर्धेच्या वरिष्ठ गटात विद्यालयाने द्वितीय क्रमांक मिळविला. या गटात इयत्ता नववीतील कृष्ण दिनेश जाधव आणि इयत्ता दहावीतील श्रीहर्ष प्रमोद पिंगळे यांनी विद्यालयाचे प्रतिनिधित्व केले.
कनिष्ठ गटात विद्यालयाच्या विद्यार्थ्यांनी तृतीय क्रमांक पटकावला. इयत्ता आठवी ‘सह्याद्री’चा शार्दूल उमेश लुंपटकी आणि इयत्ता आठवी ‘महेंद्रगिरी’ची प्रिया बजरंगी चौहान यांनी या गटात सहभाग घेत उल्लेखनीय कामगिरी केली.
या स्पर्धेची अंतिम फेरी रविवार, ६ सप्टेंबर २०२६ रोजी पार पडली. विद्यार्थ्यांनी सामान्यज्ञान, भारताचा इतिहास, संस्कृती, परंपरा आणि विविध क्षेत्रांतील ज्ञानाचा प्रभावी वापर करत उत्कृष्ट कामगिरी केली.
विद्यार्थ्यांच्या या यशाबद्दल विद्यालयाच्या वतीने त्यांचे अभिनंदन करण्यात आले. त्यांच्या मेहनतीला, ज्ञानाला आणि स्पर्धात्मक वृत्तीला मिळालेले हे यश विद्यालयासाठी अभिमानाची बाब असल्याचे सांगण्यात आले. विद्यार्थ्यांना मार्गदर्शन करणारे शिक्षक व पालक यांचेही यावेळी कौतुक करण्यात आले.
‘भारत को जानो’सारख्या उपक्रमांमुळे विद्यार्थ्यांच्या ज्ञानात भर पडण्याबरोबरच देशाचा इतिहास, संस्कृती आणि वैविध्य जाणून घेण्याची उत्सुकता वाढते, अशी भावना यावेळी व्यक्त करण्यात आली.
