बँक ऑफ इंडियामध्ये बंपर भरती! स्पेशालिस्ट ऑफिसर पदासाठी अर्ज प्रक्रिया सुरू
बँक ऑफ इंडियाच्या SO भरती २०२६ अंतर्गत स्पेशालिस्ट ऑफिसरची २०५ पदे भरली जाणार आहेत. पात्रता, अर्ज शुल्क आणि निवड प्रक्रिया तपासा व २५ सप्टेंबरपर्यंत अर्ज करा.
Eduvarta
एज्युवार्ता न्यूज नेटवर्क
बँक ऑफ इंडियाने देशभरातील पात्र उमेदवारांसाठी स्पेशालिस्ट ऑफिसर संवर्गात मोठी भरती जाहिरात प्रसिद्ध केली आहे. या मोहिमेअंतर्गत एकूण २०५ रिक्त पदे भरली जाणार असून त्यात स्केल वन ते स्केल फोरपर्यंत मुख्य व्यवस्थापक, वरिष्ठ व्यवस्थापक, व्यवस्थापक आणि अधिकारी यांसारख्या विविध पदांचा समावेश आहे. बँकेच्या अधिकृत संकेतस्थळावर ऑनलाइन अर्ज प्रक्रिया सुरू झाली असून इच्छुकांना २५ सप्टेंबर २०२६ पर्यंत अर्ज करता येणार आहे. अर्ज करण्यासाठी उमेदवारांनी bankofindia.co.in या अधिकृत संकेतस्थळाला भेट द्यावी.
या पदांसाठी अभियांत्रिकी बी.ई. किंवा बी.टेक पदवी, एमसीए, एम.एससी. (संगणक विज्ञान किंवा आयटी) किंवा संबंधित पदानुसार कायद्याची एलएलबी पदवी आवश्यक आहे. तांत्रिक आणि व्यवस्थापकीय पदांसाठी संबंधित क्षेत्रातील अनुभवही अनिवार्य ठेवण्यात आला आहे. निवड प्रक्रिया ऑनलाइन परीक्षा आणि त्यानंतर मुलाखतीद्वारे होणार आहे. जनरल, ओबीसी आणि ईडब्ल्यूएस प्रवर्गातील उमेदवारांसाठी अर्ज शुल्क१ हजार १८० रुपये तर अनुसूचित जाती, अनुसूचित जमाती आणि महिला उमेदवारांसाठी १७५ रुपये आकारले जाईल.
अर्ज करण्यासाठी उमेदवारांनी bankofindia.co.in या अधिकृत संकेतस्थळाला भेट द्यावी. करिअर विभागातील Recruitment Process पर्यायावर क्लिक करून संबंधित जाहिरात काळजीपूर्वक वाचावी. त्यानंतर ऑनलाइन अर्ज भरावा, आवश्यक कागदपत्रे अपलोड करावीत, शुल्क भरावे आणि फॉर्म यशस्वीपणे सबमिट करावा. भविष्यातील संदर्भासाठी अर्जाची प्रिंटआउट जतन करणे आवश्यक आहे.
ही भरती बँक क्षेत्रात करिअर घडवू इच्छिणाऱ्या तरुणांसाठी मोठी संधी आहे. पात्र उमेदवारांनी अंतिम तारीख लक्षात ठेवून वेळेवर अर्ज प्रक्रिया पूर्ण करावी. अधिकृत जाहिरात आणि अटींबाबत संपूर्ण माहिती बँकेच्या संकेतस्थळावर उपलब्ध आहे.
