नामांकित कॉलेजच्या प्राचार्या झाल्या नगरसेविका ; प्रभाग 12 मधून विजय

एज्युर्तावा न्यूज नेटवर्क

पुण्यातील नामांकित कॉलेजच्या प्राचार्या डॉ. निवेदिता एकबोटे या पुणे महापालिकेच्या निवडणूकीत नगरसेवक म्हणून निवडून गेल्या आहेत. एखाद्या महाविद्यालयाचे प्राचार्य नगरसेवक म्हणून पालिकेत जाण्याची ही पहिलीच वेळा असल्याचे बोलले जात आहेत.डॉ. निवेदिता एकबोटे या शिवाजीनगर येथील प्रोग्रेसिव्ह एज्युकेशन सोसायटीच्या मॉडर्न कला, वाणिज्य व विज्ञान महाविद्यालयाच्या प्राचार्या आहेत.काही महिन्यांपूर्वीच त्यांनी प्राचार्य पदाची सूत्रे हाती घेतली होती.त्यानंतर आता नगरसेविका म्हणून पालिकेत काम करण्याची संधी त्यांना मिळाली आहे.

पुणे महापालिकेच्या प्रभाग क्रमांक 12 मधून डॉ. निवेदिता एकबोटे यांना भारतीय जनता पक्षाच्या अधिकृत उमेदवार म्हणून निवडणूक लढवण्याची संधी मिळली होती.यापूर्वीही भारतीय जनता पक्षाच्या युवा मोर्चाच्या प्रदेश उपाध्यक्षा म्हणूनही निवेदिता एकबोटे यांनी काम केले आहे.काही वर्षे निवेदिता एकबोटे यांनी प्राध्यापक म्हणूक काम पाहिले.दरम्यानच्या काळात त्या राजकीय क्षेत्रात सक्रीय झाल्या होत्या.त्यानंतर गेल्या काही महिन्यापूर्वीच त्यांनी प्राचार्य पदाची सूत्रे हाती घेतली होती. निवेदिता एकबोटे यांच्या आई डॉ. ज्योत्स्ना एकबोटे यांनी सुध्दा यापूर्वी नगरसेविका म्हणून काम पाहिले आहे.

प्रभाग क्रमांक 12 - शिवाजी नगर – मॉडेल कॉलनी येथून डॉ. निवेदिता गजानन एकबोटे यांच्यासह भारतीय जनता पक्षाचे अमृता राम म्हेत्रे, अपूर्व दत्तात्रय खाडे, पूजा अनिल पांचाळ हे चारही उमेदवार विजयी झाले आहेत. राष्ट्रवादी कॉग्रेस पक्षाचे बाळासाहेब बोडके यांच्यासह इतर चार उमेदवारांनी भाजपच्या या चार उमेदवारांविरोधात निवडणूक लढवली होती.

निवेदिता एकबोटे या 'ड' गटातून निवडणूक लढवत होत्या. त्यांच्या विरोधात तीन वेळा नगरसेवक व स्थायी समितीचे अध्यक्ष राहिलेले बाळासाहेब बोडके यांच्यासारखे बलाढ उमेदवार निवडणूकीच्या रिंगणात होते. सर्वसाधारण गटातून नऊ पुरूष उमेदवारांविरोधात निवडणूक लढवून निवेदिता डॉ.एकबोटे या चांगल्या मतांनी विजयी झाल्या आहेत.