IUCAA: आयुकाचे माजी संचालक प्रा.नरेश दधिच यांचे चीनमध्ये निधन
प्रा.दधिच हे बीजिंगमध्ये संयुक्त संशोधनासाठी महिनाभर गेले होते. मात्र, प्रकृती बिघडल्याने चीनमधील बीजिंग येथे त्याचे निधन झाले.
eduvarta@gmail.com 
एज्युवार्ता न्यूज नेटवर्क
ज्येष्ठ खगोलशास्त्रज्ञ (Senior Astronomer)आणि आयुकाचे माजी संचालक (Former Director of IUCAA)प्रा. नरेश दधिच (Prof Naresh Dadhich) यांचे चीनमधील बीजिंग येथे हृदयविकाराने निधन झाले.ते ८१ वर्षांचे होते.दधिच हे बीजिंगमध्ये एका परिषदेसाठी गेले होते.गेल्या एक दोन दिवसांपासून त्यांना अस्वस्थ वाटत होते. आज सकाळी त्यांची तब्येत ठीक होती. मात्र,स्थानिक वेळेनुसार दुपारी त्याचे निधन झाले. गेली अनेक वर्षे त्यांना हृदयविकाराचा त्रास होता. त्याच्यावर पूर्वी बायपास शस्त्रक्रियाही झाली होती.त्यांचे पार्थिव भारतात आणण्यासाठी प्रयत्न सुरू आहेत.
नरेश दाधिच यांचा जन्म १ सप्टेंबर १९४४ रोजी झाला.ते सैद्धांतिक भौतिकशास्त्रज्ञ होते.इंटर-युनिव्हर्सिटी सेंटर फॉर अ‍ॅस्ट्रोनॉमी अँड अ‍ॅस्ट्रोफिजिक्स (IUCAA) येथे कार्यरत होते.जुलै २००३ मध्ये दाधिच हे IUCAA संचालक झाले. त्यांनी २०१२ ते २०१६ पर्यंत दिल्लीतील जामिया मिलिया इस्लामिया येथील सेंटर फॉर सैद्धांतिक भौतिकशास्त्र येथे सैद्धांतिक भौतिकशास्त्रात एमए अन्सारी चेअरचे म्हणून काम पाहिले होते.प्रा.दधिच हे बीजिंगमध्ये संयुक्त संशोधनासाठी महिनाभर गेले होते. मात्र, प्रकृती बिघडल्याने चीनमधील बीजिंग येथे त्याचे निधन झाले.
प्रा.दाधिच हे २०१२ मध्ये दक्षिण आफ्रिकेतील डर्बन येथील क्वाझुलु-नताल विद्यापीठात अभ्यागत प्राध्यापक होते. पोर्ट्समाउथ, यूके आणि बिलबाओ, स्पेन येथील गुरुत्वाकर्षण संशोधन गटांसोबत देखील त्यांनी काम केले होते. क्वांटम गुरुत्वाकर्षण आणि सापेक्षतावादी खगोल भौतिकशास्त्र म्हणून त्यांची ओळख होती.त्यांच्या सहकाऱ्यांसह त्यांनी १०० हून अधिक वैज्ञानिक शोधनिबंध प्रकाशित केले आहेत.
