सारिका कुलकर्णी यांना पीएचडी पदवी जाहीर
विषारी जड धातूं मुळे होणारे पर्यावरणातील प्रदूषण त्याचे घातक परिणाम जीवाणूंच्या मदतीने कमी करण्यासाठी डॉ. कुलकर्णी यांचे संशोधन महत्वपूर्ण ठरणार आहे.
eduvarta@gmail.com 
एज्युवार्ता न्यूज नेटवर्क
छत्रपती संभाजीनगर येथील डॉ. बाबासाहेब आंबेडकर मराठवाडा विद्यापीठातर्फे सारिका कुलकर्णी यांना पीएचडी पदवी जाहीर झाली आहे.विद्यापीठाच्या विज्ञान वा तंत्रज्ञान विद्याशाखेअंतर्गत त्यांनी सूक्ष्मजीवशास्त्र विषयातील शोधप्रबंध सादर केला.
मर्कुरी (Mercury - Hg) आणि लीड (Lead - Pb) यांसारख्या विषारी जड धातूंच्या (Heavy Metals) प्रदूषणावर मात करण्यासाठी स्थानिक (Indigenous) धातू-प्रतिरोधक जिवाणू (Metal Resistant Bacteria) आणि त्यांचे एन्झाईम्स वापरून बायोरेमेडिएशन (Bioremediation / जैव-उपचार) या प्रभावी, स्वस्त आणि पर्यावरणपूरक पद्धतीचा अभ्यास यावर त्यांनी शोधप्रबंध सदर केला. यासाठी त्यांना अंबाजोगाई, जि. बीड येथील योगेश्वरी महाविद्यालयाचे प्रा. डॉ. अनिल नरसिंगे यांचे मार्गदर्शन लाभले.
सारिका कुलकर्णी या पुणे येथील भारती विद्यापीठाच्या यशवंतराव मोहिते महाविद्यालयात तासिका तत्वावर सहाय्यक प्राध्यापिका म्हणून कार्यरत आहेत. या संशोधनासाठी त्यांना भारती विद्यापीठाचे प्रा.डॉ.जी.व्ही.माळी यांचेही मोलाचे मार्गदर्शन लाभले.विषारी जड धातूं मुळे होणारे पर्यावरणातील प्रदूषण त्याचे घातक परिणाम जीवाणूंच्या मदतीने कमी करण्यासाठी डॉ. कुलकर्णी यांचे संशोधन महत्वपूर्ण ठरणार आहे.
