एम.एचएमसीटी इंटिग्रेटेड अभ्यासक्रमाच्या प्रवेशासाठी आता द्यावी लागणार सीईटी परीक्षा
शैक्षणिक वर्ष २०२४-२५ मध्ये जे उमेदवार एम.एचएमसीटी इंटीग्रेटेड या अभ्यासक्रमास प्रवेश घेणार आहेत, अशा उमेदवारांकरीता सीईटी २०२४ ही सामाईक प्रवेश परीक्षा देणे अनिवार्य आहे.
eduvarta@gmail.com 
एज्युवार्ता न्यूज नेटवर्क
राज्य सामाईक प्रवेश परीक्षा (State Common Entrance Test) कक्षामार्फत शैक्षणिक वर्ष २०२४-२५ (Academic year 2024-25) पासून एम.एचएमसीटी इंटिग्रेटेड अर्थात हॉटेल मॅनेजमेंट या अभ्यासक्रमाच्या (M. HMCT Integrated Syllabus) प्रवेशासाठी महा- एम.एचएमसीटी इंटिग्रेटेड सीईटी (Maha. M. HMCT Integrated CET) ही सामाईक प्रवेश परीक्षा लागू करण्यात आली (Common Entrance Test was introduced) आहे. त्यामुळे शैक्षणिक वर्ष २०२४-२५ मध्ये जे उमेदवार एम.एचएमसीटी इंटीग्रेटेड या अभ्यासक्रमास प्रवेश घेणार आहेत,अशा उमेदवारांकरीता सीईटी २०२४ ही सामाईक प्रवेश परीक्षा देणे अनिवार्य आहे. याची सर्व संबंधित उमेदवार/पालक/संस्थांनी नोंद घ्यावी, असे सीईटी सेलकडून प्रसिद्धी पत्रकाद्वारे स्पष्ट करण्यात आले आहे.
महा- एम.एचएमसीटी इंटिग्रेटेड सीईटी २०२४ या सामाईक प्रवेश परीक्षेसाठी येत्या ९ मे पासून ऑनलाईन पध्दतीने नोंदणी सुरु होणार असून अर्ज करण्याची अंतिम मुदत १५ मे पर्यंत आहे. सीईटी सेलच्या अधिकृत संकेतस्थळावर https://cetcell.mahacet.org/ ऑनलाईन अर्ज नोंदणी आणि अर्जाची निश्चिती करावी लागणार आहे.
महा- एम.एचएमसीटी इंटिग्रेटेड सीईटी या अभ्यासक्रमाची माहिती पुस्तिका संकेतस्थळावर प्रसिध्द करण्यात आलेली आहे. तसेच महा- एम. एचएमसीईटी सीईटी २०२४ या सामाईक प्रवेश परीक्षेकरीता संकेतस्थळावर प्रसिध्द करण्यात आलेला अभ्यासक्रम एम. एचएमसीटी इंटिग्रेटेड या सामाईक प्रवेश परीक्षेकरीता लागू राहील, याची सर्व संबंधित उमेदवार/पालक/ संबंधित संस्था यांनी कृपया नोंद घ्यावी.
महा-बी.एचएमसीटी सीईटी २०२४ या प्रवेश परीक्षेकरीता अर्ज केलेले उमेदवार एम.एचएमसीटी इंटिग्रेटेड या अभ्यासक्रमाच्या प्रवेशाकरीता पात्र राहतील. महा-बी.एचएमसीटी सीईटी २०२४ आणि एम. एचएमसीटी इंटिग्रेटेड सीईटी २०२४ ही सामाईक प्रवेश परीक्षा येत्या २४ मे २०२४ रोजी घेण्यात येणारआहे.
