NEET UG परीक्षेतील संशयित प्रकरणांची तक्रार करण्यासाठी नवीन प्लॅटफॉर्म

एज्युवार्ता न्यूज नेटवर्क 

राष्ट्रीय चाचणी संस्थेने (National Testing Agency) NTA वैद्यकीय प्रवेश (Medical entrance) NEET UG परीक्षेतील  संशयित प्रकरणांची तक्रार करण्यासाठी एक नवीन प्लॅटफॉर्म सुरू केला. (A new platform has been launched to report suspected cases) एनटीए मीडिया रिपोर्टनुसार  गेल्या वर्षीच्या परीक्षेत कथित पेपरफुटीसारख्या अनियमिततेनंतर यावेळी अशा घटना टाळण्यासाठी हे पाऊल उचलण्यात आले आहे.
 उमेदवार या प्लॅटफॉर्मद्वारे कोणत्याही संशयास्पद हालचालींची तक्रार करू शकतात. अहवाल देण्याचे तीन प्रमुख प्रकार करण्यात आले आहेत.  NEET प्रश्नपत्रिका असल्याचा दावा करणाऱ्या बेकायदेशीर वेबसाइट्स, सोशल मीडिया अकाउंट्स,  परीक्षेचे साहित्य असल्याचा दावा करणारे व्यक्ती,  स्वतःला एनटीए किंवा सरकारी अधिकारी म्हणून ओळख करून देऊन फसवणूक करण्याचा प्रयत्न करणाऱ्या व्यक्ती, अशा घटनांनाच्या विरोधात उमेदवार या प्लॅटफॉर्मवर तक्रार करू शकतात.  

या विषयी अधिक माहिती देताना  एनटीएचे महासंचालक प्रदीप सिंग खरोल म्हणाले की, "हा रिपोर्टिंग फॉर्म अगदी सोपा आहे ज्यामध्ये उमेदवाराला त्याला  कोणत्या प्रकारात  फसवणूक झाल्याची माहिती आहे, त्या घटनेची माहिती, घटनेची वेळ आणि ठिकाण  द्यावे आदि माहिती  लागते. उमेदवारांना त्यांच्या अहवालासह सहाय्यक फायली अपलोड करण्याचा पर्याय देखील असेल. 
'सार्वजनिक परीक्षा (अन्याय्य साधन प्रतिबंधक) कायदा, २०२४' अंतर्गत हा प्लॅटफॉर्म सुरू करण्यात आला आहे.  ज्याचा उद्देश सार्वजनिक परीक्षांमध्ये कॉपी सारख्या प्रकरणांवर निर्बंध आणणे आहे.  NEET-UG परीक्षा ४ मे रोजी होणार आहे. NTA ने उमेदवारांना कोणतीही फसवणूक किंवा संशयास्पद क्रियाकलाप टाळण्याचे आणि या नवीन प्लॅटफॉर्मद्वारे त्याची तक्रार करण्याचे आवाहन केले आहे.