अमेरिकेत ९० दिवसांच्या आत नोकरी मिळाली नाही तर केले जाईल हद्दपार ; ICE चा इशारा
अमेरिकेत शिक्षण घेणाऱ्या विद्यार्थ्यांना पदवी घेतल्यानंतर देशात राहण्याची आणि काम करण्याची परवानगी आहे. यासाठी त्यांना ऑप्शनल प्रॅक्टिकल ट्रेनिंग (OPT) व्हिसा मिळतो, जो त्यांना १२ महिने देशात राहण्याची परवानगी देतो. जर त्यांनी विज्ञान, तंत्रज्ञान, अभियांत्रिकी आणि गणित (STEM) या विषयांचा अभ्यास केला असेल तर त्यांना ३ वर्षांपर्यंत OPT व्हिसा मिळतो.
eduvarta@gmail.com 
एज्युवार्ता न्यूज नेटवर्क
अमेरिकेत शिक्षण घेणाऱ्या परदेशी विद्यार्थ्यांच्या समस्या कमी होण्याची चिन्हे दिसत नाहीत. ट्रंप सरकारकडून दरवेळी नवीन आदेश जारी केले जात आहेत, ज्यामुळे विद्यार्थ्यांचे टेन्शन वाढले आहे. यूएस इमिग्रेशन अँड कस्टम्स एन्फोर्समेंट (US Immigration and Customs Enforcement) ICE ने ऑप्शनल प्रॅक्टिकल ट्रेनिंग (optional practical training) OPT व्हिसावर असलेल्या परदेशी विद्यार्थ्यांना इशारा दिला आहे. आयसीईने विद्यार्थ्यांना सांगितले आहे की जर त्यांनी ओपीटी सुरू केल्यापासून ९० दिवसांच्या आत त्यांची रोजगार माहिती सादर केली नाही तर त्यांचा स्टुडंट अँड एक्सचेंज व्हिजिटर इन्फॉर्मेशन सिस्टम (SEVIS) रेकॉर्ड रद्द केला जाऊ शकतो. (If Student do not submit their employment information within 90 days, their SEVIS record may be canceled)
त्यांचा SEVIS रेकॉर्ड रद्द केल्याने त्यांना देशातून हद्दपार केले जाऊ शकते. अमेरिकेत शिक्षण घेणाऱ्या विद्यार्थ्यांना पदवी घेतल्यानंतर देशात राहण्याची आणि काम करण्याची परवानगी आहे. यासाठी त्यांना ऑप्शनल प्रॅक्टिकल ट्रेनिंग (OPT) व्हिसा मिळतो, जो त्यांना १२ महिने देशात राहण्याची परवानगी देतो. जर त्यांनी विज्ञान, तंत्रज्ञान, अभियांत्रिकी आणि गणित (STEM) या विषयांचा अभ्यास केला असेल तर त्यांना ३ वर्षांपर्यंत OPT व्हिसा मिळतो.
ओपीटी प्राप्त करणाऱ्या विद्यार्थ्यांना १२ महिन्यांत एकूण ९० दिवस नोकरीशिवाय देशात राहण्याची परवानगी आहे. जर त्यांनी या वेळेत त्यांच्या रोजगाराची माहिती दिली नाही, तर त्यांचा SEVIS रेकॉर्ड रद्द केला जाऊ शकतो आणि हद्दपारीची प्रक्रिया सुरू होऊ शकते. ICE ने अलीकडेच काही नवीन नियम लागू केले आहेत. या नियमांनुसार, ICE ला SEVIS दर्जा रद्द करण्याचा अधिक अधिकार आहे. आयसीईने हजारो विद्यार्थ्यांचा दर्जा पुनर्संचयित केल्यानंतर काही आठवड्यांनंतरच हे पाऊल उचलण्यात आले आहे.
