पीएमबीएल भरती: व्यवस्थापक, कार्यकारी आणि फार्मासिस्ट जन औषधी पदांसाठी १७८ जागा
PMBI भरतीमध्ये व्यवस्थापक, कार्यकारी आणि फार्मासिस्ट यांच्यासाठी १७८ रिक्त जागा उपलब्ध आहेत. पात्रता, पदे, अर्ज प्रक्रिया आणि अधिकृत अधिसूचनेचा तपशील तपासा.
Eduvarta
एज्युवार्ता न्यूज नेटवर्क
फार्मास्युटिकल्स अँड मेडिकल डिव्हायसेस ब्युरो ऑफ इंडिया अंतर्गत महाव्यवस्थापक, उप-महाव्यवस्थापक, व्यवस्थापक, उप-व्यवस्थापक, सहाय्यक व्यवस्थापक, वरिष्ठ कार्यकारी, वरिष्ठ विपणन अधिकारी, वरिष्ठ औषधनिर्माता, कार्यकारी, विपणन अधिकारी आणि औषधनिर्माता या पदांसाठी एकूण १७८ रिक्त जागा भरण्यासाठी पात्र उमेदवारांकडून अर्ज मागविण्यात आले आहेत. ही भरती प्रक्रिया ऑफलाईन पद्धतीने राबविली जाणार असून इच्छुक उमेदवारांनी निर्धारित नमुन्यात अर्ज सादर करणे आवश्यक आहे. जन औषधी योजनेच्या अंमलबजावणीसाठी या पदांची भरती महत्त्वाची ठरणार असल्याचे सांगण्यात आहे आहे.
या भरती मोहिमेअंतर्गत विक्री आणि विपणन, खरेदी, गुणवत्ता नियंत्रण, वित्त आणि लेखा, माहिती तंत्रज्ञान, मनुष्यबळ व्यवस्थापन, कायदा, तक्रार निवारण, आंतरराष्ट्रीय सहाय्य आणि समन्वय कक्ष अशा विविध विभागांसाठी पदे उपलब्ध आहेत. महाव्यवस्थापकाच्या -३ पदे, उप-महाव्यवस्थापक -६ पदे, व्यवस्थापक -६ पदे, उप-व्यवस्थापक -४ पदे, सहाय्यक व्यवस्थापक -३१ पदे, वरिष्ठ कार्यकारी ६१ पदे , वरिष्ठ विपणन अधिकारी - १५ परे, वरिष्ठ औषधनिर्माता ६ पदे, कार्यकारी - १०, विपणन अधिकाऱ्याच्या ३० आणि औषधनिर्मात्याच्या ६ जागा आहेत. प्रत्येक पदासाठी आवश्यक शैक्षणिक पात्रता वेगवेगळी असून बी फार्मा, एम फार्मा, बी कॉम, बी टेक, एमसीए, एलएलबी किंवा संबंधित विषयातील पदवी आवश्यक आहे.
या भरतीमध्ये सहभागी इच्छिणार्या उमेदवारांचे वय २८ ते ५५ वर्षांदरम्यान असावे. अर्ज मुख्य कार्यकारी अधिकारी, पीएमबीआय, बी-५००, टॉवर बी, पाचवा मजला, वर्ल्ड ट्रेड सेंटर, नौरोजी नगर, नवी दिल्ली-११००२९ या पत्त्यावर पाठवावेत, असे आवाहन करण्यात आले आहे.
अर्ज सादर करण्याची अंतिम २४ सप्टेंबर २०२६ पर्यंत देण्यात आली आहे. अधिक माहिती आणि मूळ जाहिरातीसाठी अधिकृत संकेतस्थळ janaushadhi.gov.in वर भेट द्यावी, असे आवाहन करण्यात आले आहे. ही भरती प्रक्रिया पात्र आणि अनुभवी उमेदवारांना स्वस्त आणि दर्जेदार औषधे उपलब्ध करून देण्याच्या राष्ट्रीय योजनेत सहभागी होण्याची उत्तम संधी मानली जात आहे.
