CET Cell 2025 : आजपासून मिळणार एलएलबी ३ वर्षे प्रवेश परीक्षेचे हॉलतिकीट; परीक्षेची तारीखही बदलली

एज्युवार्ता न्यूज नेटवर्क

महाराष्ट्र राज्य सामायिक प्रवेश परीक्षा (State Common Entrance Test Cell) मार्फत एमएच सीईटी कायदा (MH CET Law) ३ वर्षांच्या एलएलबी (LLB 3 Year) प्रवेश परीक्षेसाठीचे हॉलतिकीट (Hall ticket released) आज दुपारी २ वाजल्यापासून विद्यार्थ्यांना उपलब्ध होणार आहे. परीक्षेत सहभागी होणारे उमेदवार सीईटी सेलच्या https://cetcell.mahacet.org/ या अधिकृत वेबसाईटवर जाऊन आपले हॉलतिकीट डाउनलोड करू शकतात.

सीईटी सेलने दिलेल्या अधिकृत माहितीनुसार, एलएलबी ३ वर्षे परीक्षेसाठी महाराष्ट्रासह इतर राज्यांमधील विविध परीक्षा केंद्र निश्चित करण्यात आली आहे. ही परीक्षा २ मे आणि ३ मे रोजी घेण्यात येणार आहे. यापूर्वी ही परीक्षा ३ मे आणि ४ मे रोजी पार पडणार होती मात्र, ४ मे रोजी नीट परीक्षा असल्याने काही परीक्षा केंद्र उपलब्ध नाहीत त्यामुळे एकदिवस आधी या परीक्षा होत आहेत. एमएएच एलएलबी ३ वर्षांच्या सीईटी २०२५ परीक्षा अनेक सत्रांमध्ये ऑनलाइन पद्धतीने घेतली जाणार असून उमेदवारांनी आवश्यक कागदपत्रांसह आपल्याला देण्यात आलेल्या परीक्षा केंद्रावर वेळेवर उपस्थित राहण्याचे आवाहन सीईची सेलकडून करण्यात आले आहे.

असे डाउनलोड करा हॉलतिकीट

सर्वप्रथम सीईटी सेलच्या https://cetcell.mahacet.org/ या अधिकृत वेबसाईटला भेट द्या. त्यानंतर होमपेजवर उपलब्ध असलेल्या CET लॉगिन लिंकवर क्लिक करा. तुम्हाला एका नवीन पृष्ठावर पुनर्निर्देशित केले जाईल. तिथे तुमचा नोंदणी क्रमांक आणि पासवर्ड प्रविष्ट करा. हॉलतिकीट पाहण्यासाठी आणि डाउनलोड करण्यासाठी सबमिट या बटनावर क्लिक करा. सर्व तपशील काळजीपूर्वक तपासा आणि परीक्षेसाठी हॉलतिकीटची हार्ड कॉपी प्रिंट करा.