11th Admission : अकरावी प्रवेशाच्या नियमित फेऱ्या संपल्या, पहिली विशेष फेरी १७ जुलैपासून
राज्यात पुण्यासह पिंपरी चिचंवड, मुंबई, नागपूर, नाशिक व नागपूर या महापालिका कार्यक्षेत्रातील महाविद्यालयांमध्ये इयत्ता अकरावी प्रवेशासाठी केंदीभूत प्रवेश प्रक्रिया राबविली जात आहे.
eduvarta@gmail.com 
एज्युवार्ता न्यूज नेटवर्क
इयत्ता अकरावी प्रवेशाच्या (11th Admission) नियमित फेऱ्या पूर्ण झाल्या असून शिक्षण विभागाकडून (Education Department) पहिल्या विशेष फेरीचे (Special Round) वेळापत्रक प्रसिध्द करण्यात आले आहे. या फेरीसाठी विद्यार्थ्यांना १७ जुलैपासून अर्जाचा भाग दोन भरता येणार आहे. तसेच यापूर्वीच्या फेऱ्यांमध्ये प्रतिबंधित करण्यात आलेले सर्व विद्यार्थी (Students) या फेरीसाठी पात्र ठरणार आहेत. तसेच विशेष फेऱ्यांमध्ये कोणत्याही विद्यार्थ्याला प्रतिबंधित केले जाणार नसल्याचे शिक्षण विभागाने स्पष्ट केले आहे. (11th Admission Regular rounds of 11th admission are over)
राज्यात पुण्यासह पिंपरी चिचंवड, मुंबई, नागपूर, नाशिक व नागपूर या महापालिका कार्यक्षेत्रातील महाविद्यालयांमध्ये इयत्ता अकरावी प्रवेशासाठी केंदीभूत प्रवेश प्रक्रिया राबविली जात आहे. शुक्रवारी तिसऱ्या फेरीमध्ये निवड झालेल्या विद्यार्थ्यांना प्रवेश घेण्यासाठी शेवटचा दिवस होता. आता नियमित फेऱ्या संपल्या असून शिक्षण विभागाने विशेष फेऱ्या सुरू केल्या आहेत.
NEET UG Counselling 2023 : एमबीबीएस समुपदेशनाचे वेळापत्रक जाहीर, २० जुलैपासून नोंदणी
विशेष फेरीमध्ये विद्यार्थ्यांना अर्जाच्या दुसऱ्या भागामध्ये पसंतीक्रम नव्याने द्यावे लागणार असून हा अर्ज लॉक केल्यानंतरच निवडीसाठी विचार केला जाणार आहे. पहिल्या पसंतीक्रमानुसार महाविद्यालय मिळूनही प्रवेश न घेतल्यास संबंधित विद्यार्थ्याला प्रतिबंधित केले जाणार नाही. यापूर्वी प्रत्येक फेरीत विद्यार्थ्यांना प्रतिबंधित करून पुढील फेरीसाटी अपात्र ठरवले जात होते.
दरम्यान, पुणे व पिंपरी चिंचवडमध्ये तिसऱ्या फेरीत सायंकाळी सहा वाजेपर्यंत केवळ पाच हजार ३४५ विद्यार्थ्यांनीच प्रवेश घेतला आहे. या फेरीत १४ हजार ७०८ विद्यार्थ्यांची निवड करण्यात आली होती. तर पहिल्या फेरीत २३ हजार १२५ आणि दुसऱ्या फेरीत ९ हजार १६७ विद्यार्थ्यांनी प्रवेश घेतला.
निवृत्त शिक्षकांच्या भरतीला विरोध; शिक्षण आयुक्त सूरज मांढरेंनी स्पष्टच सांगितलं...
विशेष फेरीचे वेळापत्रक पुढीलप्रमाणे
दि. १७ ते २० जुलै – प्रवेशासाठी पसंतीक्रम नोंदविणे, म्हणजे विशेष फेरी एक साठी पसंती अर्ज भाग दोन ऑनलाईन सादर करणे. नवीन विद्यार्थी ऑनलाईन नोंदणी करून अर्ज भाग एक भरून तो प्रमाणित करून घेऊ शकतात. अर्जाच्या भाग एक मध्ये दुरुस्ती करता येईल. त्यानंतर अर्ज वेळेत लॉक करावा. भाग एक पडताळी झालेले विद्यार्थी भाग दोन भरू शकतात.
दि. २४ जुलै (स. १०) – विद्यार्थ्यांना प्रवेशासाठी कनिष्ठ महाविद्यालय निवड यादी प्रसिध्द होईल.
दि. २४ ते २७ जुलै - कॉलेज लॉगीनमध्ये प्रवेश ऑनलाईनमध्ये प्रवेश ऑनलाईन निश्चित करणे, प्रवेश रद्द करणे प्रवेश नाकारणे या प्रक्रिया सुरू राहतील. प्रवेश घ्यायचा असल्यास लॉगीनमध्ये क्लिक करून आवश्यक कागदपत्रे अपलोड करावीत. आणि महाविद्यालयात जाऊन प्रवेश निश्चित करावा.
- प्रथम पसंतीक्रम मिळूनही प्रवेश घेतला नाही किंवा प्रवेश नाकारला गेला अथवा प्रवेश रद्द केल्यास अशा विद्यार्थ्यांना यापुढील कोणत्याही फेरीमध्ये प्रतिबंधित केले जाणार नाही.
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
https://chat.whatsapp.com/Ib9LP2jUnnXAQpcKKJ5nWD
