राष्ट्रीय वैद्यकीय आयोगाने NExT च्या तरतुदींचा पुनर्विचार करावा; इंडियन मेडिकल असोसिएशनचे पत्र 

एज्युवार्ता न्यूड नेटवर्क 

पुढच्या शैक्षणिक वर्षापासून वैद्यकीय शिक्षणासाठी प्रवेश परीक्षा म्हणून (NEET) ऐवजी नॅशनल एक्झिट टेस्ट (NExT) ची परीक्षा घेण्याची तयारी सुरु करण्यात येणार आहे. मात्र, या परीक्षेचा पुनर्विचार करावा, असे आवाहन इंडियन मेडिकल असोसिएशन (IMA) ने राष्ट्रीय वैद्यकीय आयोगाला (NMC) केले आहे. या संदर्भात IMA ने NMC ला पत्र लिहिले आहे.

मीडिया रिपोर्ट नुसार IMA ने पत्रात म्हटले आहे की, " नेक्स्टचा परिचय वंचित समुदायांना सुलभ वैद्यकीय शिक्षण देण्याच्या पंतप्रधान आणि सरकारच्या दूरदृष्टीवर परिणाम करेल. यामुळे गंभीर अडथळा निर्माण होऊ शकतो. डॉक्टरांना प्रशिक्षण दिल्यानंतर सराव करण्यासाठी पदवी नाकारली जाऊ शकत नाही." 

असोसिएशनने पुढे स्पष्ट केले की,  सध्या सर्व शैक्षणिक संस्थांमध्ये वैद्यकीय शिक्षणाचे एकसमान मानके अस्तित्वात नाहीत आणि संपूर्ण देशाची चाचणी एकाच चाचणीने करणे शक्य होणार नाही. परवाना देण्यासाठी आवश्यक असलेल्या मूलभूत किमान आणि पदव्युत्तर प्रवेश मूल्यांकनासाठी आवश्यक असलेल्या सर्वोच्च मानकांची चाचणी घेण्यासाठी समान परीक्षा वापरणे पूर्णपणे अतार्किक आहे." 

नेक्स्टचे संभाव्य फायदे, मर्यादा आणि वैद्यकीय शिक्षणावरील परिणाम यांचे योग्य मूल्यांकन न करता त्याची अंमलबजावणी करणे हा वैद्यकीय विद्यार्थ्यांवर घोर अन्याय आहे. कारण अभ्यासक्रम पूर्ण केल्यानंतरही त्यांना वैद्यकीय अभ्यासाच्या अधिकारापासून वंचित ठेवले जाईल, असा इशारा ही पत्रात देण्यात आला आहे.