पहिली AI शिक्षिका ; तंत्रज्ञानाने घेतली शिक्षकांची जागा ?
तंत्रज्ञानाच्या माध्यमातून तयार करण्यात आलेला शिक्षक आता त्या शाळेत अध्यापन करणार आहे.
eduvarta@gmail.com 
एज्युवार्ता न्यूज नेटवर्क
क्वचित असे एखादे क्षेत्र असेल जिथे कृत्रिम बुद्धिमत्ता (AI) वापरली जात नसेल. याच तंत्रज्ञानाने आता शाळेतील शिक्षकांचीही जागा घेण्याची (Teachers will also be replaced) तयारी केली आहे. केरळमधील एका शाळेने शिक्षण प्रणालीमध्ये (Education system) क्रांती घडवून आणण्यासाठी आणि शिकणे मनोरंजक आणि अधिक आकर्षक बनवण्यासाठी AI तंत्रज्ञान निवडले आहे. या तंत्रज्ञानाच्या माध्यमातून तयार करण्यात आलेली शिक्षिका आता त्या शाळेत अध्यापन (School teaching) करणार आहे.
तिरुअनंतपुरमच्या KTCT उच्च माध्यमिक विद्यालयात हा प्रयोग करण्यात आला आहे. कडुवायिल थंगल चॅरिटेबल ट्रस्टच्या शैक्षणिक प्रयत्नाने, गेल्या महिन्यात एका AI शिक्षकाचे अनावरण केले. संस्थेने मार्कर लॅब इज्युटेक या कंपनीच्या मदतीने आयरीस नावाचा AI शिक्षक तयार करण्यात आला आहे. Iris ची रचना अटल टिंकरिंग लॅब (ATL) चा एक भाग म्हणून करण्यात आली होती, जो 2021 मध्ये शाळांमध्ये विद्यार्थ्यांच्या अभ्यासक्रमेतर उपक्रमाना चालना देण्यासाठी NITI आयोगाचा प्रकल्प होता.
Iris तीन वेगवेगळ्या भाषांमध्ये संवाद साधण्यास सक्षम आहे आणि विविध विषयांवरील अनेक कठीण प्रश्नांची उत्तरे देऊ शकते. Iris च्या इतर वैशिष्ट्यांमध्ये वैयक्तिक आवाज, हाताळणी क्षमता आणि परस्परसंवादी शिक्षण समाविष्ट आहे.
