देशातील सहा IIT संस्थांना मिळाले नवीन संचालक
मनिंद्र अग्रवाल यांची आयआयटी कानपूरचे संचालक आणि अमित पात्रा यांची आयआयटी बीएचयूच्या संचालकपदी नियुक्ती करण्यात आली आहे.
eduvarta@gmail.com 
एज्युवार्ता न्यूज नेटवर्क
देशातील सहा भारतीय तंत्रज्ञान संस्थांना (IIT ) नवीन संचालक (New Director)मिळाले आहेत. मीडिया रिपोर्ट नुसार मनिंद्र अग्रवाल यांची आयआयटी कानपूरचे (IIT Kanpur) संचालक आणि अमित पात्रा यांची आयआयटी बीएचयूच्या (IIT BHU)संचालकपदी नियुक्ती करण्यात आली आहे.
मनिंद्र हे आयआयटी कानपूरच्या संगणक विज्ञान आणि अभियांत्रिकी विभागात प्राध्यापक आहेत. प्रोफेसर अविनाश कुमार अग्रवाल, यांत्रिक अभियांत्रिकी विभाग, आयआयटी कानपूर, यांची आयआयटी जोधपूरच्या संचालकपदी नियुक्ती करण्यात आली आहे.
सुकुमार मिश्रा यांची आयआयटी धनबादच्या संचालकपदी नियुक्ती करण्यात आली आहे, तर डीएस कट्टी हे आयआयटी गोवाचे नवे प्रमुख असतील. IIT मद्रासचे देवेंद्र जालिहाल यांची IIT गुवाहाटीचे संचालक म्हणून नियुक्ती करण्यात आली आहे.
IIT कानपूरमध्ये सेंटर ऑफ एक्सलन्स इन इलेक्ट्रॉनिक्स उघडण्यात येणार आहे. जिथे इलेक्ट्रॉनिक्स क्षेत्रात जागतिक स्तरावर नवीन तंत्रज्ञान, नवीन संशोधन आणि शिक्षण यावर काम केले जाईल. यासाठी आयआयटी कानपूर आणि एनएमट्रॉनिक्स इंडिया लिमिटेड यांच्यात करार करण्यात आला आहे. ज्या अंतर्गत दोन्ही संस्था इलेक्ट्रॉनिक्स क्षेत्रात नवीन शिक्षण आणि नवीन संशोधनासाठी एकत्र काम करतील. यासोबतच इलेक्ट्रॉनिक्स क्षेत्रातील नवीन स्टार्टअप्सना प्रोत्साहन देण्यासाठी आणि नवीन तंत्रज्ञान शोधण्यासाठी दोन्ही संस्था काम करतील.
