इशान्येकडील राज्य देशातील पहिले संपूर्ण साक्षर राज्य ठरले
शिक्षण मंत्रालयाने दिलेल्या माहितीनुसार २०११ च्या जनगणनेत देशाचा साक्षरता दर ७९.०४ टक्के होता. तथापि, हे लक्ष्य साध्य करण्याच्या संथ गतीमुळे, मंत्रालयाने जुलै २०२३ मध्ये उल्लास नावाचा एक नवीन साक्षरता अभियान कार्यक्रम जाहीर केला होता. ज्यामध्ये साक्षरतेचे नवीन मानके निश्चित करण्यात आली होती, तर राज्यांना या मोहिमेत वेगाने पुढे जाण्यास प्रोत्साहित करण्यात आले होते.
eduvarta@gmail.com 
एज्युवार्ता न्यूज नेटवर्क
देशाला पूर्णपणे साक्षर करण्याच्या मोहिमेत, ईशान्येकडून एक मोठी आनंदाची बातमी आली आहे. मिझोराम हे देशातील पहिले पूर्ण साक्षर राज्य बनले आहे. (Mizoram has become the first fully literate state in the country) केंद्रीय शिक्षण मंत्रालयाने मंगळवारी याची घोषणा केली आणि राज्याला याबाबतचे प्रमाणपत्रही दिले.
यापूर्वी, लडाख या केंद्रशासित प्रदेशानेही २०२४ मध्ये एकूण साक्षरतेचे लक्ष्य गाठले आहे. नवीन साक्षरता अभियानांतर्गत, ९७ टक्के साक्षरता गाठल्यानंतर कोणतेही राज्य पूर्णपणे साक्षर घोषित केले जाते.
शिक्षण मंत्रालयाने दिलेल्या माहितीनुसार २०११ च्या जनगणनेत देशाचा साक्षरता दर ७९.०४ टक्के होता. तथापि, हे लक्ष्य साध्य करण्याच्या संथ गतीमुळे, मंत्रालयाने जुलै २०२३ मध्ये उल्लास नावाचा एक नवीन साक्षरता अभियान कार्यक्रम जाहीर केला होता. ज्यामध्ये साक्षरतेचे नवीन मानके निश्चित करण्यात आली होती, तर राज्यांना या मोहिमेत वेगाने पुढे जाण्यास प्रोत्साहित करण्यात आले होते.
'इतर राज्ये देखील या दिशेने वेगाने वाटचाल करत आहेत. हे लक्ष्य लहान राज्यांसाठी देखील सोपे आहे कारण त्यांची लोकसंख्या मोठ्या राज्यांपेक्षा खूपच कमी आहे. २०११ च्या जनगणनेनुसार, मिझोरामची लोकसंख्या सुमारे १९.८० लाख आहे. आता ते सुमारे २५ लाखांपर्यंत पोहोचण्याचा अंदाज आहे. एका अंदाजानुसार, देशाचा साक्षरता दर सध्या ८५ टक्क्यांच्या आसपास पोहोचला आहे. २०११ मध्ये ते ७४.०४ टक्के होते.' अशी माहिती शिक्षण मंत्रालयाकडून देण्यात आली आहे.
