10th and 12th Supplementary Results : दहावी-बारावी पुरवणी परीक्षेचा निकाल आज दुपारी १ वाजता जाहीर

एज्युवार्ता न्यूज नेटवर्क

महाराष्ट्र राज्य माध्यमिक व उच्च माध्यमिक शिक्षण मंडळाने (Board of Secondary and Higher Secondary Education) दहावी आणि बारावीच्या पुरवणी परीक्षेचा निकाल (10th and 12th Supplementary Exam Results) आज मंगळवार, १४ जुलै २०२६ रोजी दुपारी एक वाजता जाहीर करण्याची घोषणा (Announcement to make the declaration at 1 o'clock) केली आहे. राज्यातील नऊ विभागीय मंडळांमार्फत घेण्यात आलेल्या या परीक्षेचे निकाल ऑनलाइन पद्धतीने (Online Result Methods) उपलब्ध होणार आहेत. विद्यार्थी आणि पालक https://www.mahahsscboard.in या अधिकृत संकेतस्थळावरून निकाल पाहू शकतील. निकाल जाहीर होताच विद्यार्थ्यांना त्यांच्या गुणपत्रिका डाउनलोड करण्याची सुविधा उपलब्ध होईल.

पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण या नऊ विभागीय मंडळांच्या अंतर्गत ही पुरवणी परीक्षा घेण्यात आली होती. दहावीची पुरवणी परीक्षा १६ जून ते ३० जून दरम्यान तर बारावीची पुरवणी परीक्षा १६ जून ते ८ जुलै या कालावधीत पार पडली. यंदा अनेक विद्यार्थ्यांनी मुख्य परीक्षेत अपुरे गुण मिळाल्याने पुरवणी परीक्षेचा पर्याय निवडला होता. निकालानंतर विद्यार्थ्यांना पुढील शिक्षण किंवा करिअरच्या दृष्टीने महत्त्वाचे निर्णय घेणे सोपे होणार आहे.

निकाल जाहीर झाल्याच्या दुसऱ्या दिवसापासूनच विद्यार्थ्यांना अनिवार्य विषयांमध्ये गुणपडताळणी, उत्तरपत्रिकेची छायाप्रत आणि पुनर्मूल्यांकनासाठी ऑनलाइन अर्ज करण्याची सोय उपलब्ध करून देण्यात येणार आहे. गुणपडताळणी आणि छायाप्रतीसाठी १५ ते २४ जुलैपर्यंत ऑनलाइन अर्ज करता येणार आहेत. राज्य मंडळाचे सचिव डॉ. दीपक माळी यांनी सांगितले की, पुनर्मूल्यांकनासाठी प्रथम उत्तरपत्रिकेची छायाप्रत घेणे अनिवार्य आहे. छायाप्रत मिळाल्याच्या दिवसापासून पुढील पाच कार्यालयीन दिवसांत पुनर्मूल्यांकनाचा अर्ज संबंधित विभागीय मंडळाकडे करावा लागेल.

डॉ. दीपक माळी यांनी विद्यार्थ्यांना आवाहन केले आहे की, निकालानंतर तातडीने संकेतस्थळावर लॉगिन करून आवश्यक कागदपत्रे तयार ठेवावीत. पुनर्मूल्यांकन प्रक्रिया पारदर्शक आणि वेळेबद्दल राहील यासाठी मंडळाने सर्व तयारी केली आहे. विद्यार्थ्यांनी फक्त अधिकृत संकेतस्थळाचा वापर करावा आणि कोणत्याही खासगी वेबसाइट्सवर विश्वास ठेवू नये, असेही त्यांनी स्पष्ट केले.

आगामी फेब्रुवारी-मार्च २०२७ च्या मुख्य परीक्षेसाठी नियमित, पुनर्परीक्षार्थी, खासगी विद्यार्थी, श्रेणीसुधार योजना आणि आयटीआय ट्रान्स्फर ऑफ क्रेडिट विद्यार्थ्यांचे अर्ज ऑनलाइन स्वीकारले जाणार आहेत. यासंबंधीच्या तारखा लवकरच जाहीर करण्यात येणार असल्याचे मंडळाने सांगितले आहे. सध्या पुरवणी निकालाची प्रतीक्षा करणाऱ्या हजारो विद्यार्थ्यांसाठी आजचा दिवस महत्त्वाचा ठरणार आहे.