पीडीआयएलमध्ये १५३ इंजिनिअरिंग पदांसाठी भरती; २७ जुलैपर्यंत अर्जाची संधी 

एज्युवार्ता न्यूज नेटवर्क

प्रोजेक्ट्स अँड डेव्हलपमेंट इंडिया लिमिटेडने (PDIL Recruitment) इंजिनिअरिंग क्षेत्रात करिअर करू इच्छिणाऱ्या तरुणांसाठी उत्तम संधी उपलब्ध करून दिली आहे. कंपनीने देशभरातील विविध कार्यालये आणि प्रोजेक्ट साइट्ससाठी एकूण १५३ पदांच्या कंत्राटी भरतीची (Recruitment for 153 posts) अधिसूचना जारी (Recruitment notification issued) केली आहे. या भरतीअंतर्गत ग्रेज्युएट इंजिनिअर आणि डिप्लोमा इंजिनिअर पदांवर नियुक्त्या होतील. इच्छुक आणि पात्र उमेदवार २७ जुलै २०२६ पर्यंत (Deadline for applications July 27) अधिकृत संकेतस्थळ pdilin.com वर जाऊन ऑनलाइन पद्धतीने अर्ज करू शकतात. 

ही भरती पूर्णपणे कंत्राटी स्वरूपाची असून, सुरुवातीला एक वर्षासाठी नियुक्ती दिली जाईल. उमेदवाराच्या कामगिरी आणि कंपनीच्या आवश्यकतेनुसार ही मुदत जास्तीत जास्त तीन वर्षांपर्यंत वाढवता येईल. निवड झालेल्या उमेदवारांची पोस्टिंग देशभरातील कोणत्याही कार्यालयात किंवा प्रोजेक्ट साइटवर होऊ शकते. भरती प्रक्रिया पारदर्शक पद्धतीने राबवली जाणार असल्याचे कंपनीने स्पष्ट केले आहे. 

भरतीत सिव्हिल, मेकॅनिकल, इलेक्ट्रिकल, इन्स्ट्रुमेंटेशन, प्रोसेस, कॉम्प्युटर सायन्स, फायर अँड इंडस्ट्रियल सेफ्टी, ह्युमन रिसोर्स, प्रोजेक्ट मॅनेजमेंट, मटेरियल मॅनेजमेंट आणि केमिस्ट्री या शाखांमधील पदांचा समावेश आहे. ग्रेज्युएट आणि डिप्लोमा इंजिनिअर्ससाठी वेगवेगळे पगार स्केल निश्चित करण्यात आले आहेत. कमाल वयोमर्यादा ३२ ते ४३ वर्षे ठेवण्यात आली असून, वयाची गणना ३० जून २०२६ रोजीच्या आधारे केली जाईल. तसेच सर्वसाधारण आणि ओबीसी प्रवर्गासाठी ८०० रुपये परीक्षा शुल्क आकारण्यात आला आहे. तर एससी, एसटी  आणि ईडब्ल्यूएस प्रवर्गातील उमेदवारांना ४०० रुपये शुल्क आहे. 

शैक्षणिक पात्रतेनुसार, उमेदवाराकडे संबंधित विषयातील इंजिनिअरिंग डिग्री किंवा डिप्लोमा असणे आवश्यक आहे. सामान्य आणि ओबीसी प्रवर्गातील उमेदवारांसाठी किमान ६० टक्के गुण, तर एससी/एसटी प्रवर्गासाठी ५५ टक्के गुण मिळालेले असावेत. अनुभव असलेल्या उमेदवारांना प्राधान्य दिले जाणार आहे. अर्ज प्रक्रिया पूर्णपणे ऑनलाइन असल्याने अधिकृत वेबसाइटवरून सर्व तपशील तपासून अर्ज करावा, असे आवाहन करण्यात आले आहे.