भारतीय रेल्वेत नोकरीची सुवर्णसंधी, ६ हजार ५५७ टेक्निशियन पदांसाठी अर्ज सुरू

एज्युवार्ता न्यूज नेटवर्क

रेल्वेमध्ये सरकारी नोकरीची स्वप्ने पाहणाऱ्या तरुणांसाठी आनंदाची बातमी आहे. रेल्वे भरती (Railway Recruitment) मंडळाने (RRB) टेक्निशियन पदांच्या मेगा भरतीसाठी अधिकृत अधिसूचना जारी (Notification issued) केली आहे. या भरतीअंतर्गत टेक्निशियन ग्रेड-१ (सिग्नल) आणि टेक्निशियन ग्रेड-३ च्या एकूण ६ हजार ५५७ रिक्त पदांची भरती (6 thousand 557 vacancy recruitment) होणार आहे. अर्ज प्रक्रिया सुरू (Application process begins) झाली असून, इच्छुक उमेदवार rrbapply.gov.in या अधिकृत वेबसाइटवर ऑनलाइन अर्ज करू शकतात. अर्ज करण्याची अंतिम तारीख २९ जुलै २०२६ रात्री ११:५९ पर्यंत आहे. 

या भरती मोहिमेअंतर्गत टेक्निशियन ग्रेड-१ साठी ३२३ पदे राखीव आहेत तर टेक्निशियन ग्रेड-३ साठी ६ हजार २४२ पदे उपलब्ध आहेत. वयोमर्यादा ग्रेड-१ सिग्नलसाठी १८ ते ३३ वर्षे आणि ग्रेड-३ साठी १८ ते ३० वर्षे आहे. वय गणना १ जुलै २०२६ रोजी केली जाईल. राखीव प्रवर्गाला भरती नियमानुसार सूट दिली जाणार आहे. 

या भरती प्रक्रियेत सहभागी होण्यासाठी उमेदवारांकडे बीई/बी.टेक, इंजिनिअरिंग डिप्लोमा किंवा बी.एस्सी. इंजिनिअरिंगची पदवी असणे आवश्यक आहे. टेक्निशियन ग्रेड-III (ओपन लाईन, वर्कशॉप आणि पीयू) पदासाठी, उमेदवारांनी संबंधित ट्रेडमधील आयटीआय प्रमाणपत्रासह इयत्ता १०वी किंवा पीसीएम विषयांसह इयत्ता १२वी उत्तीर्ण केलेली असावी.

अर्ज शुल्क सामान्य, ओबीसी आणि ईडब्ल्यूएस उमेदवारांसाठी ५०० रुपये तर SC/ST/ExSM/ट्रान्सजेंडर/EBC आणि महिलांसाठी २५० रुपये राहील. ही भरती रेल्वे विभागाच्या तांत्रिक सेवेची गुणवत्ता वाढवण्यासाठी महत्त्वाची ठरेल. इच्छुक उमेदवारांनी अधिसूचनेचे संपूर्ण वाचन करून पात्रता तपासावी आणि वेळेत अर्ज करावा, असे आवाहन करण्यात आले आहे.