मोशी प्रियदर्शनी स्कूलमध्ये Investiture Ceremony उत्साहात संपन्न
नव्या पदाधिकाऱ्यांनी शिस्त, प्रामाणिकपणा, जबाबदारी आणि शाळा परिवाराप्रती सेवाभाव या मूल्यांचे पालन करण्याची तसेच आपल्या कर्तव्यांचे प्रामाणिकपणे पालन करण्याची शपथ घेतली.
Eduvarta
एज्युवार्ता न्यूज नेटवर्क
प्रियदर्शनी स्कूल, मोशी येथे शैक्षणिक वर्षासाठी नव्याने निवड झालेल्या विद्यार्थी परिषद सदस्यांना अधिकृतपणे नेतृत्वाची जबाबदारी सोपविण्यासाठी भव्य विद्यार्थी पदग्रहण समारंभ उत्साहात आयोजित करण्यात आला.
कार्यक्रमाची सुरुवात दीपप्रज्वलनाने झाली. त्यानंतर विद्यार्थी पदाधिकाऱ्यांना पद व गोपनीयतेची शपथ देण्यात आली. नव्या पदाधिकाऱ्यांनी शिस्त, प्रामाणिकपणा, जबाबदारी आणि शाळा परिवाराप्रती सेवाभाव या मूल्यांचे पालन करण्याची तसेच आपल्या कर्तव्यांचे प्रामाणिकपणे पालन करण्याची शपथ घेतली.
शाळेच्या मुख्याध्यापिकांनी नव्याने निवड झालेल्या विद्यार्थी परिषद सदस्यांचे अभिनंदन करून आत्मविश्वास, समर्पण, नम्रता आणि आदर्श नेतृत्वगुणांच्या बळावर कार्य करण्याचे आवाहन केले. शाळा व्यवस्थापनानेही सर्व पदाधिकाऱ्यांना शुभेच्छा देत, खरे नेतृत्व हे समर्पण, संघभावना आणि परस्पर आदर या मूल्यांवर उभे असते, असे मार्गदर्शन केले.
या प्रेरणादायी समारंभाला पालक, शिक्षक आणि विद्यार्थ्यांनी उत्स्फूर्त उपस्थिती दर्शवून कार्यक्रमाची शोभा वाढविली. राष्ट्रगीताने कार्यक्रमाची सांगता झाली आणि प्रियदर्शनी स्कूल, मोशी येथे विद्यार्थी नेतृत्वाच्या नव्या पर्वाची प्रेरणादायी सुरुवात झाली.
