RTE admission: 43 हजार विद्यार्थ्यांना आरटीई प्रवेशासाठी एक दिवसाची मुदत

एज्युवार्ता न्यूज नेटवर्क

शालेय शिक्षण विभागातर्फे (Department of School Education)आरटीई प्रवेशाची ऑनलाईन प्रक्रिया (Online Process of RTE Admission)राबवली जात असून प्रवेशासाठी निवड झालेल्या 93 हजार 9 विद्यार्थ्यांपैकी 50 हजार 67 विद्यार्थ्यांनी आरटीईचे प्रवेश कन्फर्म (Admission Confirmation of RTE)केले आहेत.परिणामी 43 हजार विद्यार्थ्यांनी अजूनही प्रवेश घेतलेला नाही. त्यामुळे या विद्यार्थ्यांकडे प्रवेश कन्फर्म करण्यासाठी आता केवळ एका दिवसाचा अवधी शिल्लक आहे.

शिक्षण हक्क कायद्यांतर्गत 25 टक्के आरक्षित जागांसाठी राबविल्या जात असलेल्या आरटीई प्रवेश प्रक्रियेअंतर्गत राज्यातील 9 हजार 217 शाळांमधील 1 लाख 5 हजार 242 जागांसाठी ऑनलाईन प्रवेश प्रक्रिया राबवली जात आहे. या जागांसाठी राज्यातील 2 लाख 42 हजार 516 विद्यार्थ्यांनी अर्ज केले होते. प्रवेशासाठी ऑनलाईन लॉटरी काढण्यात आली. त्यात 93 हजार 9 विद्यार्थ्यांची प्रवेशासाठी निवड करण्यात आली असून 4 ऑगस्ट पर्यंत 50 हजार 67  विद्यार्थ्यांचे आरटीईचे प्रवेश कन्फर्म झाले आहेत.

 शिक्षण विभागाने आरटीई प्रवेशासाठी 23 ते 31 जुलैपर्यंत मुदत दिली होती. परंतु, अनेक विद्यार्थी प्रवेशापासून वंचित राहिले होते. त्यामुळे शिक्षण विभागाने 1 ऑगस्ट ते 5 ऑगस्टपर्यंत आरटीईचे प्रवेश कन्फर्म करण्यास मुदतवाढ दिली आहे. त्याचप्रमाणे यापुढील काळात मुदतवाढ दिली जाणार नाही,याची सर्वांनी नोंद घ्यावी. अशा स्पष्ट सूचना राज्याचे प्राथमिक शिक्षण संचालक शरद गोसावी यांनी दिल्या आहेत. त्यामुळे 5 ऑगस्ट रोजी आरटीईचा प्रवेश कन्फर्म करण्याची अंतिम मुदत आहे. परिणामी एका दिवसात 43 हजाराहून अधिक विद्यार्थ्यांना आरटीईचा प्रवेश कन्फर्म करावा लागणार आहे.

आरटीई प्रवेशाची जिल्हानिहाय आकडेवारी