शिक्षणासाठी परदेशात जाणारे विद्यार्थी वाढले;2024 मध्ये 13 लाखांपेक्षा अधिक
सरकारने यूएस, यूके, कॅनडा, ऑस्ट्रेलिया, जर्मनी, फ्रान्स, सिंगापूर, रशिया, इस्रायल आणि युक्रेनसह 108 देशांमध्ये शिकत असलेल्या भारतीय विद्यार्थ्यांचे देशवार तपशील दिले आहेत.
eduvarta@gmail.com 
परदेशात जाऊन शिक्षण घेणार्या भारतीय विद्यार्थ्यांचे(Indian students studying abroad)प्रमाण दिवसेंदिवस वाढत आहे. यावर्षी 2024 मध्ये सुमारे 13 लाख 35 हजार विद्यार्थी परदेशात शिक्षण घेत आहेत. मागच्या वर्षी 2023 मध्ये हा आकडा 13,18,955 इतका होता. परराष्ट्र व्यवहार राज्यमंत्री कीर्ती वर्धन सिंह (Minister of State for Foreign Affairs Kirti Vardhan Singh)यांनी राज्यसभेत एका लेखी उत्तरात ही आकडेवारी दिली केली.
सरकार परदेशात शिकण्यासाठी जाणाऱ्या स्थलांतरित विद्यार्थ्यांचा डेटा ठेवते का. या प्रश्नाचे उत्तर देताना सिंग यांनी यूएस, यूके, कॅनडा, ऑस्ट्रेलिया, जर्मनी, फ्रान्स, सिंगापूर, रशिया, इस्रायल आणि युक्रेनसह 108 देशांमध्ये शिकत असलेल्या भारतीय विद्यार्थ्यांचे देशवार तपशील दिले आहेत.
या आकडेवारीनुसार, 2024 पर्यंत 13 लाख 35 हजार 878 भारतीय विद्यार्थी परदेशात उच्च शिक्षण घेत आहेत. 2023 मध्ये हा आकडा 13 लाख 18 हजार 955 होता, तर 2022 मध्ये हा आकडा 9 लाख 7 हजार 404 होता. यामध्ये चालू वर्षात कॅनडामध्ये 4 लाख 27 हजार विद्यार्थी, अमेरिकेतील 3 लाख 37 हजार 630, चीनमध्ये 8 हजार 580, ग्रीसमधील 8, इस्रायलमधील 900, पाकिस्तानमधील 14 आणि युक्रेनमधील 2 हजार 510 विद्यार्थ्यांचा समावेश आहे.
सिंग म्हणाले, "भारतीय मिशन्स किंवा पोस्ट्स परदेशात शिकत असलेल्या भारतीय विद्यार्थ्यांशी संपर्कात असतात. त्यांना यजमान देशांमधील सुरक्षा समस्यांबद्दल माहिती दिली जाते. परदेशात शिकत असलेल्या भारतीय विद्यार्थ्यांच्या संख्येचा डेटा सुरक्षित करण्यासाठी ते यजमान सरकारच्या संबंधित अधिकाऱ्यांशी समन्वय व साधतात. "
