वनराज आंदेकर गुन्ह्यातील आरोपीच्या मुलाची क्लासवरून परतताना गोळ्या घालून हत्या
गोविंद क्लासावरून घरी परतल्यानंतर त्याच्या घराच्या बेसमेंटमध्ये दोन अज्ञात व्यक्तीनी त्याच्यावर गोळ्या झाडल्या. त्यानंतर गोविदला ससून रुग्णालयात दाखल केले
eduvarta@gmail.com 
एज्युवार्ता न्यूज नेटवर्क
वनराज आंदेकर गुन्ह्यातील आरोपी गणेश कोमकर यांचा मुलगा गोविंद कोमकर याची पुण्यातील नाना पेठ परिसरात गोळ्या झाडून हत्या केल्याची घटना शुक्रवारी रात्री पाऊणे आठच्या सुमारास घडली. आयुष हा क्लासवरून घरी परत आल्यानंतर बेसमेंटमध्ये अज्ञात व्यक्तीनी गोविंदला गोळ्या झाडल्या असल्याची माहिती पोलिसांनी सांगितली. त्यानंतर टपका रे टपका एक और टपका... हे गाणं डेज वर वाजवत नाना पेठ परिसरात दहशत माजवली.
पोलिसांना काही सीसीटीव्ही फुटेज मिळाले असून त्यानुसार तपास सुरु आहे. वनराज आंदेकर हत्या प्रकरणातील आरोपी गणेश कोमकर हा सध्या कारागृहात असून गोविंदची हत्या कोणी आणि का केली? याचा तपास केला जात आहे.
गोविंद क्लासावरून घरी परतल्यानंतर त्याच्या घराच्या बेसमेंटमध्ये दोन अज्ञात व्यक्तीनी त्याच्यावर गोळ्या झाडल्या. त्यानंतर गोविंदला ससून रुग्णालयात दाखल केले.परंतु, डॉक्टरांनी त्याला मृत घोषित केले. सध्या पोलिसांच्या पाच टीम या घटनेचा तपास करत आहेत.
