डॉ. रवींद्र खराडकर यांची आयईटीईच्या उपाध्यक्षपदी निवड
डॉ. खराडकर आयईटीई पुणे सेंटरचे अध्यक्ष होते. त्यांच्या कारकिर्दीत, त्यांनी तंत्रज्ञान, संशोधन, जागतिक नवतंत्रज्ञान आणि नवोपक्रमात असंख्य उपक्रमांचे नेतृत्व केले आहे.
एज्युवार्ता न्यूज नेटवर्क
इन्स्टिट्यूशन ऑफ इलेक्ट्रॉनिक्स अँड टेलिकम्युनिकेशन इंजिनिअर्स (आयईटीई) ही भारतातील आघाडीची व्यावसायिक संस्था असून भारतात आणि परदेशात १.५ लाखांहून अधिक सदस्य या संस्थेचे आहेत.जी एच रायसोनी कॉलेज ऑफ इंजिनिअरिंग,आणि मॅनेजमेंट पुणेचे कॅम्पस डायरेक्टर डॉ. रवींद्र खराडकर यांची नवी दिल्ली येथील (आयईटीई) च्या उपाध्यक्षपदी निवड झाली आहे. डॉ. खराडकर यांना आयईटीईचे वेस्ट झोन इंडिया मेंटर म्हणूनही नियुक्त केले आहे.या सदस्यांमध्ये शिक्षणतज्ज्ञ, उद्योगजक, शास्त्रज्ञ आणि विद्यार्थी आहेत. आयईटीई देशभरातील त्यांच्या ८० केंद्रांद्वारे सदस्यांना सेवा देते.
डॉ. खराडकर आयईटीई पुणे सेंटरचे अध्यक्ष होते. त्यांच्या कारकिर्दीत, त्यांनी तंत्रज्ञान, संशोधन, जागतिक नवतंत्रज्ञान आणि नवोपक्रमात असंख्य उपक्रमांचे नेतृत्व केले आहे. त्यांनी शैक्षणिक आणि उद्योगाची एकत्र सांगड घालत पूरक इकोसिस्टिम तयार केली आहे. शैक्षणिक संशोधनासाठी व्यासपीठ निर्माण केले आहे. खाजगी विद्यापीठे आणि संस्थांना उद्योगाधारित प्रकल्पांचा मेळ घालून संशोधन आणि नवोपक्रमात एक बेंचमार्क उभा केला आहे. डॉ. आर. डी. खराडकर यांनी आयईटीई याचे आभार मानत देशभरातील अभियंते आणि तंत्रज्ञांना सक्षम बनवण्याच्या संस्थेच्या दृष्टिकोनाला अधिक बळकटी देण्यासाठी प्रयत्न करत आहेत.
रायसोनी एज्युकेशनचे अध्यक्ष सुनील रायसोनी, रायसोनी एज्युकेशनचे कार्यकारी संचालक श्रेयश रायसोनी यांनी डॉ. खराडकर यांच्या निवडी बद्दल अभिनंदन केले आहे.
eduvarta@gmail.com