मैत्रिणीच्या फसवणुकीतून महाविद्यालयीन विद्यार्थिनीवर व्यसन आणि लैंगिक शोषणाचा धक्कादायक प्रकार

एज्युवार्ता न्यूज नेटवर्क 

जळगाव जिल्ह्यातून (Jalgaon Crime News) एक धक्कादायक घटना समोर आली आहे. शहरातील एका १८ वर्षीय महाविद्यालयीन तरुणीला (College Student) तिच्याच मैत्रिणीने सिगारेट, दारू आणि गांजाचे व्यसन लावून एका तरुणाच्या जाळ्यात ओढले. संशयित आरोपीने कारमध्ये अत्याचार (Sexual assault) करून नग्न फोटो काढले आणि ब्लॅकमेलिंगद्वारे वारंवार शोषण (Exploitation through Blackmail) केल्याचा प्रकार उघडकीस आला आहे. ३ जून २०२६ रोजी रात्री उशीरा रामानंद नगर पोलिस ठाण्यात गुन्हा दाखल करण्यात आला आहे. या प्रकरणात पोक्सो कायद्यासह इतर गंभीर कलमे लागू करण्यात आली आहेत.

फिर्यादीनुसार, पीडिता आणि आरोपी मैत्रीण एकाच शाळेत शिकत होत्या. मैत्रिणीच्या घरी जेवायला गेल्यावर तिला प्रथम सिगारेट दिली. त्यानंतर आई-वडील गावाला गेल्याचा फायदा घेत मैत्रिण दिनेश तिवारी याच्यासोबत कारमधून फिरायला म्हणून बाहेर घेऊन गेली. फिरायला गेल्यावर तेथे दारू, सिगारेट आणि गांजाचे सेवन करण्यास लावले. नशेत असताना दिनेशने शहरातील मोहरी रोडवर कारमध्ये पीडितेशी जबरदस्तीने शारीरिक संबंध प्रस्थापित केले आणि नकळत नग्न फोटो काढले. त्यानंतर पुढील काळात या फोटोंच्या धमकीवरून तिला हॉटेल्समध्ये बोलावून वारंवार अत्याचार केला. 

ही घटना केवळ एका कुटुंबाची नाही, तर महाविद्यालयीन विद्यार्थ्यांमधील पीअर प्रेशर, ड्रग्सची सहज उपलब्धता आणि सोशल मीडियाच्या दुरुपयोगाचा गंभीर धोका निर्माण झाला आहे. आजकाल अनेक विद्यार्थी नव्या मैत्री, पार्टी कल्चर इतर गोष्टींच्या नावाखाली व्यसनाकडे वळतात. एकदा व्यसन लागले की ब्लॅकमेलिंग, लैंगिक शोषण आणि मानसिक छळ सोपे होते. त्यामुळे पालकांनी मुलांच्या मित्रपरिवाराकडे लक्ष देणे, त्यांच्याशी नियमित संवाद साधणे आणि सोशल मीडियावरील हालचालींबाबत जागरूकता ठेवणे आवश्यक आहे. त्याचप्रमाणे शाळा आणि महाविद्यालयांनी सायबर सुरक्षा, व्यसनमुक्ती आणि लैंगिक शोषणाविरोधातील जनजागृती कार्यक्रम नियमितपणे आयोजित करण्याची गरज असल्याचे मत शिक्षण तज्ज्ञांकडून व्यक्त करण्यात आले आहे.