जूनमध्ये सरकारी नोकऱ्यांची मेगा भरती; 44 हजारांहून अधिक पदांसाठी अर्ज प्रक्रिया सुरू

एज्युवार्ता न्यूज नेटवर्क 

नोकरीच्या शोधात असलेल्या तरुणांसाठी जून महिना मोठी संधी घेऊन आला आहे. केंद्र सरकारच्या विविध विभागांमध्ये मिळून तब्बल 44 हजार 500 हून अधिक रिक्त पदांसाठी भरती (Recruitment for over 44,500 vacant posts) प्रक्रिया सुरू झाली असून पात्र उमेदवारांकडून ऑनलाइन अर्ज मागविण्यात येत आहेत. रेल्वे, बँकिंग, संरक्षण दल, कर्मचारी निवड आयोगामार्फत ही भरती प्रक्रिया (Recruitment Process) राबवली जाणार आहे. त्यामुळे स्पर्धा परीक्षांची (Competitive Examination) तयारी करणाऱ्या उमेदवारांसाठी ही सुवर्णसंधी (Opportunity for Candidates) मानली जात आहे.

कर्मचारी निवड आयोगाच्या संयुक्त पदवीधर स्तर (CGL) परीक्षेद्वारे 12 हजार 256 पदे भरली जाणार आहेत. विविध केंद्रीय विभागांमध्ये अधिकारी आणि लिपिकीय पदांसाठी ही भरती होत असून इच्छुक पदवीधर उमेदवार 22 जून 2026 पर्यंत अर्ज करू शकतात. रेल्वे क्षेत्रातही मोठी भरती जाहीर झाली आहे. रेल्वे भरती मंडळाने (RRB) असिस्टंट लोको पायलट पदांच्या 11 हजार 127 जागांसाठी अर्ज मागवले आहेत. दहावी उत्तीर्ण तसेच संबंधित ट्रेडमधील आयटीआय किंवा डिप्लोमा धारक उमेदवारांना 14 जून 2026 पर्यंत अर्ज करता येणार आहे.

तसेच संरक्षण क्षेत्रात करिअर करू इच्छिणाऱ्या तरुणांसाठी संघ लोकसेवा आयोगाने (UPSC) संयुक्त संरक्षण सेवा (CDS-II) अंतर्गत 451 पदांची भरती जाहीर केली आहे. त्याचबरोबर राष्ट्रीय संरक्षण अकादमी (NDA-II) आणि नौदल अकादमीसाठी 394 जागांवर भरती केली जाणार आहे. या दोन्ही भरतींसाठी अर्ज करण्याची अंतिम तारीख 9 जून 2026 आहे. भारतीय हवाई दलात अंतर्गत फ्लाइंग आणि ग्राउंड ड्युटी शाखांमधील 379 पदांसाठी अर्ज प्रक्रिया सुरू असून उमेदवारांना 19 जूनपर्यंत अर्ज करता येणार आहे.

बँकिंग क्षेत्रातही मोठ्या प्रमाणावर भरती होत आहे. स्टेट बँक ऑफ इंडियामध्ये 7 हजार 150 अप्रेंटिस पदांसाठी तर बँक ऑफ बडोदामध्ये 5 हजार अप्रेंटिस पदांसाठी अर्ज मागविण्यात आले आहेत. या दोन्ही भरतींसाठी अर्ज करण्याची अंतिम तारीख 8 जून 2026 आहे. सरकारी नोकरीचे स्वप्न पाहणाऱ्या उमेदवारांसाठी हा चांगली संधी घेऊन आला आहे.