येत्या शैक्षणिक वर्षापासून इयत्ता पहिलासाठी CBSE पॅटर्न ; शिक्षण मंत्र्यांची घोषणा
शैक्षणिक वर्ष 2025-2026 या वर्षापासून सीबीएससी पॅटर्न लागू होणार असून यंदाच्यावर्षी केवळ इयत्ता पहिलासाठी हा पॅटर्न लागू होणार आहे. पहिल्या फेजमध्ये शिक्षण विभागाकडून केवळ पहिलीच्या वर्गासाठी सीबीएससी पॅटर्न लागू होणार असून पुढच्या वर्षी दोन टप्प्यात दुसरी आणि तिसरी, चौथीसाठी लागू करण्यात येईल.
eduvarta@gmail.com 
एज्युवार्ता न्यूज नेटवर्क
राज्य शिक्षण मंडळांच्या शाळांना (Schools of State Boards) सीबीएसई (CBSE) अभ्यासक्रम लागू करण्यासंदर्भात सध्या संभ्रम असल्याचे चित्र आहे. दरम्यान राज्याचे शिक्षणमंत्री दादा भुसे (Dada bhuse) यांनी यासंदर्भात मोठी घोषणा केली आहे. यंदाच्या शैक्षणिक वर्षापासूनच स्टेट बोर्ड शाळेतील (School) विद्यार्थ्यांच्या अभ्यासक्रमात सीबीएससी पॅटर्न लागू करण्यात येणार असून पहिल्या फेजमध्ये केवळ पहिलीच्या वर्गासाठी सीबीएससी पॅटर्न लागू केला जाईल, (CBSE pattern will be implemented for class 1) अशी घोषणा भुसे यांनी केली आहे.
प्रसार माध्यमांशी बोलताना भुसे म्हणाले, " राज्यातील राज्य शिक्षण मंडळांच्या शाळांना सीबीएसई (CBSE) अभ्यासक्रम लागू करण्यासंदर्भात सूचना देण्यात आल्या आहेत. विशेष म्हणजे यंदाच्या शैक्षणिक वर्षापासूनच स्टेट बोर्ड शाळेतील (School) विद्यार्थ्यांच्या अभ्यासक्रमात सीबीएससी पॅटर्न लागू करण्यात येत आहे. शैक्षणिक वर्ष 2025-2026 या वर्षापासून सीबीएससी पॅटर्न लागू होणार असून यंदाच्यावर्षी केवळ इयत्ता पहिलासाठी हा पॅटर्न लागू होणार आहे. पहिल्या फेजमध्ये शिक्षण विभागाकडून केवळ पहिलीच्या वर्गासाठी सीबीएससी पॅटर्न लागू होणार असून पुढच्या वर्षी दोन टप्प्यात दुसरी आणि तिसरी, चौथीसाठी लागू करण्यात येईल. राज्यातील विद्यार्थ्यांची गुणवत्ता वाढीस लागावी या हेतूने सरकारने हा निर्णय घेतला आहे."
राज्य शासनाच्या नियोजनानुसार पहिल्या फेजमध्ये येणाऱ्या शैक्षणिक वर्षासाठी पहिलीसाठी सीबीएसई पॅटर्न स्वीकारणार आहोत. पुढच्या वर्षात दोन टप्प्यांत दुसरी, तिसरी, चौथीच्या विद्यार्थ्यांसाठी सीबीएससी पॅटर्न लागू केले जाईल. असे मंत्री दादा भुसे यांनी माध्यमांशी बोलताना संगितले.
विशेष म्हणजे सीबीएससी पॅटर्न लागू केल्याने शाळांमध्ये कुठलीही फी वाढ होणार नाही, असेही दादा भुसे यांनी स्पष्ट केले.
