SPPU : SET परीक्षा पुढे ढकलली; आता २५ ऑक्टोबरला परीक्षा
केंद्रीय लोकसेवा आयोगासह अन्य स्पर्धात्मक परीक्षांचे वेळापत्रक प्राप्त झाले आहे. तसेच २५ सप्टेंबर २०२६ रोजी अनंत चतुर्दशी असल्याने परीक्षार्थींना प्रवास तसेच परीक्षा केंद्रावर वेळेत पोहोचताना व्यावहारिक अडचणी निर्माण होण्याची शक्यता होती.
Eduvarta
एज्युवार्ता न्यूज नेटवर्क
सावित्रीबाई फुले पुणे विद्यापीठामार्फत आयोजित करण्यात येणारी ४१ वी महाराष्ट्र राज्यस्तरीय पात्रता परीक्षा (SET) २०२६ आता २७ सप्टेंबरऐवजी २५ ऑक्टोबर २०२६ रोजी घेण्यात येणार आहे.
यापूर्वी SET परीक्षा २७ सप्टेंबर २०२६ रोजी आयोजित करण्यात येणार असल्याची सूचना प्रसिद्ध करण्यात आली होती. मात्र, केंद्रीय लोकसेवा आयोगासह अन्य स्पर्धात्मक परीक्षांचे वेळापत्रक प्राप्त झाले आहे. तसेच २५ सप्टेंबर २०२६ रोजी अनंत चतुर्दशी असल्याने परीक्षार्थींना प्रवास तसेच परीक्षा केंद्रावर वेळेत पोहोचताना व्यावहारिक अडचणी निर्माण होण्याची शक्यता होती.
या पार्श्वभूमीवर परीक्षार्थींकडून प्राप्त झालेल्या निवेदनांचा सर्वंकष विचार करण्यात आला. परीक्षार्थींचे हित आणि परीक्षा आयोजनातील सुलभता लक्षात घेऊन परीक्षा दिनांकात बदल करण्याचा निर्णय घेण्यात आला आहे.
त्यानुसार, २७ सप्टेंबर २०२६ रोजी होणारी ४१ वी महाराष्ट्र SET परीक्षा आता २५ ऑक्टोबर २०२६ रोजी आयोजित करण्यात येणार आहे, अशी अधिसूचना जारी करण्यात आली आहे.
या बदलाची सर्व संबंधित परीक्षार्थी, परीक्षा संपर्क प्रमुख आणि संबंधित यंत्रणांनी नोंद घ्यावी, असे कार्यालयाने कळविले आहे.
