यूपीएससी सीएसई प्रीलिम्स २०२६ निकाल जाहीर; १३,३४३ उमेदवार मेन्ससाठी पात्र 

एज्युवार्ता न्यूज नेटवर्क 

 लोक सेवा आयोगाने (UPSC) सिव्हिल सर्व्हिसेस प्रीलिमिनरी परीक्षा २०२६ चा(Cvil Services Preliminary Examination 2026) निकाल जाहीर (Results Declared) केला आहे. १५ जून २०२६ रोजी अधिकृत वेबसाइटवर (upsc.gov.in) निकाल उपलब्ध झाला. २४ मे २०२६ रोजी देशभरात झालेल्या परीक्षेत सुमारे ५.४९ लाख उमेदवारांनी भाग घेतला होता. यापैकी १३,३४३ उमेदवार मुख्य परीक्षेसाठी पात्र (13,343 candidates eligible for the main examination) ठरले आहेत. 

यंदा सिव्हिल सर्व्हिसेस परीक्षेसाठी १०१६ पदांसाठी अधिसूचना जारी करण्यात आली होती. एकूण ८,१९,३७२ अर्ज प्राप्त झाले होते. प्रीलिम्स परीक्षेत दोन पेपर होते – जनरल स्टडीज पेपर-१ (मेरिटसाठी) आणि सीसॅट (क्वालिफायिंग). उत्तीर्ण उमेदवारांना आता मेन्स परीक्षेच्या तयारीला लागावे लागणार आहे. मेन्स परीक्षा २१ ऑगस्ट २०२६ पासून सुरू होण्याची शक्यता आहे. 

निकाल कसा तपासावा?  

निकाल पाहाण्यासाठी उमेदवारांनी अधिकृत वेबसाइट upsc.gov.in किंवा upsconline.nic.in वर जावे.   ‘Written Results’ किंवा ‘Civil Services (Preliminary) Examination 2026 Result’ लिंकवर क्लिक करा.  PDF डाउनलोड करा आणि Ctrl + F ने आपला रोल नंबर शोधा. निकाल PDF मध्ये रोल नंबर आणि नावे यादी स्वरूपात उपलब्ध आहेत. कॅटेगरी-वार कट-ऑफ गुण निकालासोबत किंवा लवकरच जाहीर होण्याची शक्यता आहे. 

निकाल जाहीर होताच सोशल मीडियावर उमेदवारांच्या प्रतिक्रिया आणि सेलिब्रेशनचे फोटो व्हायरल होत आहेत. अनेक उमेदवारांनी मेन्ससाठी तयारी सुरू केली आहे. मात्र, काही ठिकाणी पेपर लीकच्या अफवा आणि आरोपही समोर आले आहेत, ज्याची NSUI सारख्या संघटनांनी चौकशीची मागणी केली आहे. UPSC ने मात्र परीक्षा प्रक्रिया पारदर्शक असल्याचे स्पष्ट केले आहे. UPSC CSE ही भारतातील सर्वात कठीण आणि प्रतिष्ठित परीक्षांपैकी एक आहे. यशस्वी उमेदवार IAS, IPS, IFS सारख्या सेवांमध्ये नियुक्ती मिळवतात. निकालानंतर DAF (Detailed Application Form) भरून मेन्ससाठी नोंदणी करावी लागेल.