MES पब्लिक स्कूलच्या विद्यार्थ्यांची राष्ट्रीय थायबॉक्सिंग स्पर्धेत दमदार कामगिरी
स्पर्धेत MES पब्लिक स्कूलच्या विद्यार्थ्यांनी विविध गटांत उत्कृष्ट कामगिरी करत दोन सुवर्ण, दोन रौप्य आणि दोन कांस्यपदके पटकावली.
Eduvarta
एज्युवार्ता न्यूज नेटवर्क
MES पब्लिक स्कूल आणि MES क्रीडावर्धिनी मार्शल आर्ट क्लासच्या विद्यार्थ्यांनी महाराष्ट्र थायबॉक्सिंग असोसिएशनतर्फे आयोजित राष्ट्रीय स्तरावरील थायबॉक्सिंग चॅम्पियनशिप २०२६ मध्ये उल्लेखनीय कामगिरी करत शाळेचे नाव उज्ज्वल केले.
इंदिरा गांधी कृषी कॅम्पस येथे नुकतीच ही स्पर्धा पार पडली. School Games Federation of India मान्यताप्राप्त तसेच Maharashtra Thaiboxing Associationच्या मान्यतेने आयोजित करण्यात आलेल्या या स्पर्धेत विविध ठिकाणांहून खेळाडूंनी सहभाग घेतला.
स्पर्धेत MES पब्लिक स्कूलच्या विद्यार्थ्यांनी विविध गटांत उत्कृष्ट कामगिरी करत दोन सुवर्ण, दोन रौप्य आणि दोन कांस्यपदके पटकावली.
सुवर्णपदक विजेते :
-
अदिती मिश्रा – इयत्ता ४ थी
-
ध्रुवांश हिरे – इयत्ता ४ थी
रौप्यपदक विजेते :
-
शिवद्न्या मोहिते – इयत्ता ४ थी
-
भक्ती रुपटक्के – इयत्ता ९ वी
कांस्यपदक विजेते :
-
ध्रुव अंबेकर – इयत्ता ६ वी
-
रुद्राणी आडव – इयत्ता ४ थी
या यशामुळे विद्यार्थ्यांच्या मेहनतीला आणि जिद्दीला यशाची पावती मिळाली आहे. थायबॉक्सिंगसारख्या शिस्त, आत्मविश्वास, चपळता आणि शारीरिक तंदुरुस्तीची गरज असलेल्या क्रीडा प्रकारात विद्यार्थ्यांनी केलेली ही कामगिरी विशेष कौतुकास्पद ठरली.
विद्यार्थ्यांच्या या उल्लेखनीय यशाबद्दल MES पब्लिक स्कूल व्यवस्थापन, प्राचार्य, शिक्षकवृंद आणि पालकांनी विजेत्यांचे अभिनंदन करून पुढील वाटचालीसाठी शुभेच्छा दिल्या. विद्यार्थ्यांच्या या कामगिरीमुळे शाळेच्या क्रीडा क्षेत्रातील यशात आणखी एक मानाचा तुरा रोवला गेला आहे.
