पुण्यातील खाजगी शाळेत बॉम्ब ठेवल्याचा मुख्याध्यापकाला आला ई-मेल
ज्या शाळेविषयी असा मेल प्राप्त झाला ती शाळा सुस रोडजवळील भागात आहे. याठिकाणी पोलीस दाखल झाल्यानंतर त्यांनी प्रथम सर्व विद्यार्थ्यांना सुरक्षित झोनमध्ये नेले त्यानंतर शाळेची तपासणी केली. मात्र, त्यांना कुठेही बॉम्ब नसल्याचे निदर्शनास आले.
eduvarta@gmail.com 
एज्युवार्ता न्यूज नेटवर्क
राज्यात शाळा, महाविद्यालयात बॉम्ब ठेवल्याच्या अफवा सतत ऐकायला मिळत असतात. असाच एक प्रकार पुण्यात (pune) देखील घडला आहे. बावधन जवळील सुस रोड (Sus road, Bavdhan) येथील एका खाजगी शाळेत बॉम्ब ठेवल्याचा ई-मेल (Email about a bomb being planted in a private school) आज दि. १३ रोजी सकाळी शाळेच्या मुख्याध्यापिकेला (school principle) प्राप्त झाला. त्यानंतर मुख्याध्यापिकेने पोलीस नियंत्रण कक्षाला याबाबत माहिती दिल्यानंतर स्थानिक पोलीस, बॉम्ब शोधक व नाशक पथक (Local police, bomb detection and disposal squad) घटनास्थळी दाखल झाले. त्यांनी सर्व शाळेची तपासणी केली मात्र, कुठेही बॉम्ब नसल्याचे समोर आले.
मिळालेल्या माहितीनुसार, ज्या शाळेविषयी असा मेल प्राप्त झाला ती शाळा सुस रोडजवळील भागात आहे. याठिकाणी पोलीस दाखल झाल्यानंतर त्यांनी प्रथम सर्व विद्यार्थ्यांना सुरक्षित झोनमध्ये नेले त्यानंतर शाळेची तपासणी केली मात्र त्यांना कुठेही बॉम्ब नसल्याचे निदर्शनास आले.
दरम्यान, याबाबतीत कोणीतरी खोडकरपणा केला असावा, असा अंदाज व्यक्त केला जात आहे. मात्र, हा मेल कुणी पाठवला, कुठून आला याचा तपास सुरु असल्याचे पोलिसांनी सांगितले आहे. त्याचबरोबर पोलिसांनी शाळा व्यवस्थापनाला घाबरून न जाण्याचे आवाहन केले आहे.
