दहावी उत्तीर्णांना नोकरीची संधी; दक्षिण रेल्वत ४४७१ जागांसाठी मेगा भरती सुरू
सरकारी नोकरीच्या शोधात असलेल्या तरुणांसाठी महत्त्वाची अपडेट समोर आली आहे. दक्षिण रेल्वेने प्रशिक्षणार्थी पदांवर एकूण ४४७१ रिक्त जागा भरण्यासाठी उमेदवारांकडून ऑनलाईन अर्ज मागविले आहेत.
Eduvarta
एज्युवार्ता न्यूज नेटवर्क
सरकारी नोकरीच्या शोधात असलेल्या तरुणांसाठी महत्त्वाची अपडेट समोर आली आहे. दक्षिण रेल्वेने प्रशिक्षणार्थी पदांवर एकूण ४४७१ रिक्त जागा भरण्यासाठी उमेदवारांकडून ऑनलाईन अर्ज मागविले आहेत. ही भरती फ्रेशर आणि अनुभवी अशा दोन मुख्य श्रेणींमध्ये विभागलेली असून विविध तांत्रिक आणि वैद्यकीय प्रयोगशाळा संबंधित पदांचा समावेश आहे. इच्छुक आणि पात्र उमेदवारांना अधिकृत वेबसाइट https://www.rrcmas.in/ वर जाऊन ऑनलाईन पद्धतीने अर्ज भरावा लागेल. अर्ज सादर करण्याची अंतिम मुदत २७ सप्टेंबर २०२६ आहे.
अधिकृत पदवितरणानुसार फ्रेशर श्रेणीत फिटर, पेंटर आणि वेल्डर यांसाठी १४३ जागा असून त्यासाठी दहावी उत्तीर्ण असणे आवश्यक आहे. वैद्यकीय प्रयोगशाळा तंत्रज्ञ (रेडिओलॉजी, पॅथॉलॉजी, कार्डिओलॉजी) पदांसाठी २० जागा आहेत आणि त्यासाठी बारावी आवश्यक आहे. ITI श्रेणीत फिटर, इलेक्ट्रिशियन, वेल्डर, COPA, टर्नर आणि मशिनिस्ट यांसाठी सर्वाधिक ४३०८ जागा उपलब्ध आहेत. या श्रेणीसाठीही दहावी उत्तीर्ण असणे गरजेचे आहे.
वयोमर्यादा १६ ते २४ वर्षे निश्चित करण्यात आली आहे. अर्ज शुल्क केवळ १०० रुपये आहे. फ्रेशर श्रेणीतील फिटर-पेंटर-वेल्डर पदांसाठी दरमहा ८२०० रुपये तर वैद्यकीय प्रयोगशाळा तंत्रज्ञ पदांसाठी ९६०० रुपये स्टायपेंड मिळेल. ITI श्रेणीतील उमेदवारांनाही नियमानुसार स्टायपेंड देण्यात येईल. पात्रता आणि इतर तपशीलांसाठी अधिकृत जाहिरात वाचावी, असे आवाहन करण्यात आले आहे.
