भारत विकास परिषद समूहगीत स्पर्धेत बालशिक्षण मंदिरला संस्कृत गीतासाठी प्रथम क्रमांक
स्पर्धेत सहभागी झालेल्या गायिका विद्यार्थिनी इयत्ता नववी व दहावीच्या असून, वाद्यसंगीताची साथ देणारे विद्यार्थी इयत्ता आठवीतील होते. विद्यार्थ्यांनी सादरीकरणात सुरेलपणा, तालबद्धता आणि सांघिकतेचे उत्कृष्ट दर्शन घडविले.
Eduvarta
एज्युवार्ता न्यूज नेटवर्क
भारत विकास परिषदेच्या वतीने आयोजित समूहगीत स्पर्धेत बालशिक्षण मंदिर इंग्लिश मीडियम शाळेने उल्लेखनीय यश संपादन केले. नुकत्याच झालेल्या या स्पर्धेत हिंदी आणि संस्कृत भाषेतील समूहगीत सादर करणे अपेक्षित होते. शाळेच्या विद्यार्थ्यांनी दोन्ही भाषांतील समूहगीते उत्कृष्ट पद्धतीने सादर केली. त्यापैकी संस्कृत समूहगीताला प्रथम क्रमांकाचे पारितोषिक मिळाले.
या स्पर्धेत सहभागी झालेल्या गायिका विद्यार्थिनी इयत्ता नववी व दहावीच्या असून, वाद्यसंगीताची साथ देणारे विद्यार्थी इयत्ता आठवीतील होते. विद्यार्थ्यांनी सादरीकरणात सुरेलपणा, तालबद्धता आणि सांघिकतेचे उत्कृष्ट दर्शन घडविले.
दोन्ही समूहगीतांना शाळेतील शिक्षिका सौ. श्रुती जोशी यांनी संगीतबद्ध केले आहे. विद्यार्थ्यांच्या या यशामागे त्यांचे मार्गदर्शन व परिश्रम महत्त्वपूर्ण ठरले.
या यशाबद्दल शाळेच्या प्राचार्या सौ. अदिती कुलकर्णी यांचे मोलाचे मार्गदर्शन व सहकार्य लाभले. विद्यार्थ्यांच्या या उल्लेखनीय कामगिरीबद्दल शाळेच्या वतीने त्यांचे अभिनंदन करण्यात आले.
