शिक्षण क्षेत्रातील गोंधळ; विद्यार्थी आंदोलनानंतर राहुल गांधींच्या सरकारकडे ५ प्रमुख मागण्या 

एज्युवार्ता न्यूज नेटवर्क 

जंतर-मंतरवर नीट परीक्षेच्या (NEET Exam) पेपरफुटी (paper leak case)आणि विद्यार्थ्यांवरील लाठीचार्जप्रकरणी (Lathi-charge on students) झालेल्या आंदोलनानंतर लोकसभेतील विरोधी पक्षनेते राहुल गांधी यांनी शिक्षण व्यवस्थेतील गंभीर प्रश्न (Serious issues in the education system) उपस्थित केले आहेत. पंतप्रधान निवासस्थानाबाहेर केलेल्या आंदोलनादरम्यान त्यांनी देशातील शिक्षण क्षेत्र कोलमडल्याचे (The education sector has collapsed) स्पष्ट केले. शिक्षण महाग झाल्याने पालक आर्थिकदृष्ट्या उद्ध्वस्त होत असल्याची बाब त्यांनी सरकारच्या निदर्शनास आणली. तसेच राहुल गांधी यांनी केंद्र सरकारसमोर पाच महत्त्वाच्या मागण्या (Five key demands) मांडल्या आहेत.

राहुल गांधी यांनी सरकारला विचारले, “देशाची शिक्षण व्यवस्था का कोलमडली आहे? शिक्षण का इतके महाग झाले आहे? पालक आर्थिकदृष्ट्या का उद्ध्वस्त होत आहेत?” या प्रश्नांसह त्यांनी पुढील पाच मागण्या केल्या आहेत. १) केंद्रीय गृहमंत्री अमित शाह आणि शिक्षणमंत्री धर्मेंद्र प्रधान यांनी राजीनामा द्यावा. २) विद्यार्थ्यांना मारहाण करणाऱ्या आणि अपमान करणाऱ्यांविरुद्ध कारवाई व्हावी. ३) विद्यार्थ्यांवर दाखल सर्व गुन्हे मागे घेण्यात यावेत. ४) या मुद्द्यावर संसदेत सविस्तर चर्चा घडवून आणावी. ५) पंतप्रधान मोदी आणि अमित शाह यांनी विद्यार्थ्यांशी झालेल्या वागणुकीबद्दल देशाची माफी मागावी.

दरम्यान, केंद्रीय शिक्षणमंत्री धर्मेंद्र प्रधान यांनी राहुल गांधींवर जोरदार टीका केली. “राहुल गांधी विद्यार्थ्यांचा राजकीय हेतूंसाठी वापर करत आहेत. संसदेच्या पावसाळी अधिवेशनात व्यत्यय निर्माण करण्यासाठी हा प्रयत्न सुरू आहे,” असे प्रधान यांनी म्हटले. विद्यार्थ्यांच्या समस्यांवर चर्चा करण्यास सरकार तयार असतानाही काँग्रेसने राजकीय देखावा केल्याचा आरोप त्यांनी केला.

या प्रकरणाने शिक्षण क्षेत्रातील गंभीर प्रश्न पुन्हा एकदा चर्चेत आले आहेत. विद्यार्थ्यांच्या भवितव्याशी संबंधित मुद्द्यावर राजकीय पक्षांनी जबाबदारीने वागावे, अशी अपेक्षा व्यक्त होत आहे. राहुल गांधी यांच्या मागण्यांवर सरकार काय भूमिका घेते, याकडे सर्वांचे लक्ष लागले आहे.