शालेय पोषण आहारात प्रति विद्यार्थी खर्चावर ३ महिन्यात दुसऱ्यांदा दरवाढ

एज्युवार्ता न्यूज नेटवर्क 

शालेय पोषण आहारासाठी (School nutrition) प्रति विद्यार्थी खर्चाची दुसऱ्यांना मोठी दरवाढ (Increase in per student spending) करणारा शासन निर्णय प्रसिद्ध (Government decision published) करण्यात आला आहे. त्यामुळे शाळांमध्ये पोषण आहार बनवणाऱ्यांना मोठा दिलासा मिळाला आहे. नव्या दरवाढीनुसार पहिली ते पाचवीसाठी प्रति विद्यार्थी 6 रुपये 78 पैसे, तर सहावी ते आठवीसाठी प्रति विद्यार्थी 10 रुपये 17 पैसे दर निश्चित करण्यात आला आहे. यापुर्वी मार्च महिन्यात देखील दरवाढ करण्यात आली होती. त्यामुळे गेल्या ३ तीन महिन्यात दुसऱ्यांना वाढ करण्यात आली आहे.  

मागील दरवाढीलच्या तुलनेत आता पहिली ते पाचवीसाठी 59 पैसे, तर सहावी ते आठवीसाठी प्रति विद्यार्थी 88 पैसे वाढ झाली आहे. सुधारित दर 1 मेपासून लागू करण्याचे निर्देश दिले आहेत. शालेय शिक्षण विभागाने या बाबतचा शासन निर्णय प्रसिद्ध केला. प्रधानमंत्री पोषण शक्ती निर्माण योजनेअंतर्गत केंद्र सरकारकडून पहिली ते पाचवीच्या विद्यार्थ्यांसाठी प्रति विद्यार्थी 100 ग्रॅम, सहावी ते आठवीच्या विद्यार्थ्यांसाठी प्रति विद्यार्थी 150 ग्रॅम तांदूळ पुरवण्यात येतो. केंद्र शासनाने 27 नोव्हेंबर 2024 रोजी दिलेल्या निर्देशानुसार मार्चमध्ये प्रतिविद्यार्थी खर्चाचे दर वाढवले.

त्या वेळी पहिली ते पाचवीसाठी 6 रुपये 19 पैसे, तर सहावी ते आठवीसाठी 9 रुपये 29 पैसे दर निश्चित केला होता. त्यानंतर पुन्हा 4 मार्च 2025 रोजी केंद्र सरकारने प्रति विद्यार्थी खर्चात दरवाढ करण्यास मंजुरी दिली आहे. त्यानुसार पहिली ते पाचवीसाठी प्रति विद्यार्थी 6 रुपये 78 पैसे, तर सहावी ते आठवीसाठी प्रति विद्यार्थी 10 रुपये 17 पैसे असे दर वाढवले आहेत. नागरी भागात केंद्रीय स्वयंपाकगृह प्रणालीअंतर्गत तयार आहाराचा पुरवठा करणाऱ्या यंत्रणांना पहिली ते पाचवीसाठी 6 रुपये 78 पैसे, सहावी ते आठवीसाठी 10 रुपये 17 पैसे या दराने अनुदान दिले जाणार असल्याचे नमूद केले.