भारतीय तटरक्षक दलात ६३० जागांसाठी भरती प्रक्रिया सुरू 

एज्युवार्ता न्यूज नेटवर्क 

सरकारी नोकरीच्या शोधात असलेल्या तरुणांसाठी महत्त्वाची बातमी समोर आली आहे. भारतीय तटरक्षक दलात (Indian Coast Guard Recruitment) विविध पदे भरण्यासाठी जाहिरात प्रसिद्ध (Advertisement published) करण्यात आली आहे. त्यानुसार इच्छुक आणि पात्र उमेदवार ऑनलाइन पद्धतीने अर्ज करू शकतात. इंडियन कोस्ट गार्ड (ICG) कडून सेलर (जनरल ड्यूटी, डोमेस्टिक ब्रांच) आणि मेकॅनिकल पदांसाठी (Sailor (General Duty, Domestic Branch) and Mechanical Posts) एकूण 630 पदांसाठी भरती जाहीर करण्यात आली आहे. 

या भरतीसाठी ऑनलाइन अर्जाची प्रक्रिया सुरू झाली आहे. यासाठी इच्छुक उमेदवार 25 जून 2025 पर्यंत joinindiancoastguard.cdac.in या अधिकृत वेबसाइटवर अर्ज करू शकतात. यामध्ये सेलर (GD) साठी 260, मेकॅनिकल साठी 30, इलेक्ट्रिकल साठी 11 आणि इलेक्ट्रॉनिक्स साठी 19 पदे भरली जाणार आहेत. अशा एकूण 630 पदांसाठी योग्य उमेदवारांची निवड केली जाणार आहे. 

या भरती प्रक्रियेत सहभागी होण्यासाठी सेलर (जनरल D ) सह गणित आणि भौतिकशास्त्र या विषयांसह 12 वी उत्तीर्ण उमेदवार पात्र असणार आहेत. तसेच सेलर (डोमेस्टिक ब्रांच)सह कोणत्याही बोर्डातून 10 वी उत्तीर्ण व मेकॅनिकल (सर्व ट्रेड्स) 10 वी/ 12 वी उत्तीर्ण असण्यासोबत AICTE मधून मान्यताप्राप्त संस्थेतून संबंधित अभियांत्रिकी ट्रेडमध्ये 2 ते 4 वर्षांचा डिप्लोमा असणे आवश्यक आहे. या भरतीसाठी अर्ज करणाऱ्या उमेदवाराचे वय 18 ते 22 वर्षांच्या दरम्यान असावे.