NIRF 2025: 4 सप्टेंबर रोजी घोषणा; कोणाचे वाढणार कोणाचे घसरणार?
जगभरातील शैक्षणिक संस्थाशी भारतातील विद्यापीठांनी स्पर्धा करावी, या उद्देशाने NIRF रँकिंग सुरू करण्यात आले. गेल्या काही वर्षांपासून देशातील अनेक विद्यापीठांनी आपले रँकिंग वाढवले आहे. परंतु, काही विद्यापीठांचे रँकिंग दिवसेंदिवस कमी होत चालल्याचे दिसून येत आहे.
eduvarta@gmail.com 
एज्युवार्ता न्यूज नेटवर्क
केंद्र शासनाच्या शिक्षण विभागातर्फे दरवर्षी नॅशनल इन्स्टिट्यूशनल रँकिंग फ्रेमवर्क अर्थात अर्थात NIRF रँकिंग 2025 जाहीर केले जाते. यंदा येत्या 4 सप्टेंबर (गुरूवारी) रोजी देशभरातील विद्यापीठ, महाविद्यालय व शैक्षणिक संस्थांचे रँकिंग जाहीर केले जाणार आहे. त्यात महाराष्ट्रातील व पुण्यातील विद्यापीठ व महाविद्यालयांचे रँकिंग वाढणार की कमी होणार ? हे लवकरच स्पष्ट होणार आहे.
जगभरातील शैक्षणिक संस्थाशी भारतातील विद्यापीठांनी स्पर्धा करावी, या उद्देशाने NIRF रँकिंग सुरू करण्यात आले. गेल्या काही वर्षांपासून देशातील अनेक विद्यापीठांनी आपले रँकिंग वाढवले आहे. परंतु, काही विद्यापीठांचे रँकिंग दिवसेंदिवस कमी होत चालल्याचे दिसून येत आहे. प्रामुख्याने खाजगी विद्यापीठांचे रँकिंग वाढत असल्याचे निदर्शनास येत आहे. याउलट सरकारी विद्यापीठांचे रँकिंग काही प्रमाणात घसरत आहे.
सावित्रीबाई फुले पुणे विद्यापीठ मागील वर्षी राज्य विद्यापीठांच्या गटामध्ये तिसऱ्या क्रमांकावर होते. त्यामुळे सावित्रीबाई फुले पुणे विद्यापीठासह महाराष्ट्रातील विविध विद्यापीठांचे रँकिंग कुठे असेल याबद्दलची माहिती लवकरच जाहीर केली जाणार आहे.प्रामुख्याने NIRF रॅकिंगमध्ये पुण्यातील विद्यापीठांनी व महाविद्यालयांनी आपला दबदबा कायम ठेवला आहे.त्यात डी.वाय. पाटील, सिंबायोसिस,भारती विद्यापीठ, सीओईपी, फर्ग्युसन आदी विद्यापीठ व महाविद्यालयांचा समावेश आहे.
दरम्यान, संशोधन, विद्यापीठात असणाऱ्या प्राध्यापकांची संख्या आणि समाजामध्ये असणारे विद्यापीठाविषयीचे पर्सेप्शन अशा विविध घटकांचा विचार करून NIRf रँकिंग जाहीर केले जाते. सावित्रीबाई फुले पुणे विद्यापीठाकडे असणाऱ्या प्राध्यापकांची संख्या सेवानिवृत्तीमुळे कमी झाली आहे. त्यामुळे NIRF रँकिंगवर त्याचा काही परिणाम होतो का? हे पाहणे उत्सुकतेचे ठरणार आहे.
