UPSC कडून नागरी सेवा मुख्य परीक्षेचे वेळापत्रक जाहीर, 'या' तारखांना परीक्षा..
प्रसिद्ध करण्यात आलेल्या अधिसूचनेमध्ये परीक्षांच्या तारखा जाहीर करण्यात आल्या आहेत. त्यानुसार नागरी सेवा मुख्य परीक्षा 20, 21, 22, 28 आणि 29 सप्टेंबर 2024 रोजी होणार आहेत.
eduvarta@gmail.com 
एज्युवार्ता न्यूज नेटवर्क
युपीएससी (UPSC) नागरी सेवा मुख्य परीक्षा 2024 (Civil Services Main Exam 2024) ची तयारी करणाऱ्या उमेदवारांसाठी एक महत्त्वपूर्ण अपडेट समोर आली आहे. केंद्रीय लोकसेवा आयोगाने (UPSC) IAS मुख्य परीक्षेसाठी अधिसूचना प्रसिद्ध (Notification released for main exam) केली आहे. प्रसिद्ध करण्यात आलेल्या अधिसूचनेमध्ये परीक्षांच्या तारखा जाहीर (Exam dates announced) करण्यात आल्या आहेत. त्यानुसार नागरी सेवा मुख्य परीक्षा 20, 21, 22, 28 आणि 29 सप्टेंबर 2024 रोजी होणार आहेत.
ज्या उमेदवारांनी प्राथमिक परीक्षेत यश मिळवल्यानंतर आता मुख्य परीक्षेला बसणार आहेत. अशा उमेदवारांनी UPSC च्या अधिकृत वेबसाइट upsc.gov.in वर जाऊन अधिसूचना डाउनलोड करून परीक्षांच्या तारखा पाहू शकतात. CSE मुख्य परीक्षा UPSC द्वारे 20, 21, 22, 28 आणि 29 सप्टेंबर 2024 रोजी देशभरातील नियुक्त परीक्षा केंद्रांवर घेतली जाईल. परीक्षा दोन शिफ्टमध्ये घेतली जाणार असून पहिल्या शिफ्टची परीक्षा सकाळी 9 ते दुपारी 12 आणि दुसऱ्या शिफ्टची परीक्षा दुपारी 2:30 ते 5:30 या वेळेत घेतली जाईल.
वेळापत्रक असे करा डाउनलोड
विषय, तारीख आणि शिफ्टनुसार वेळापत्रक डाउनलोड करण्यासाठी प्रथम UPSC च्या अधिकृत वेबसाइट upsc.gov.in ला भेट द्या. वेबसाइटच्या होम पेजवर नवीन काय आहे, या विभागात परीक्षा वेळापत्रक: नागरी सेवा (मुख्य) परीक्षा, 2024 वर क्लिक करा. यानंतर PDF उघडेल. आता तुम्ही समोर दिसणारे वेळापत्रक डाउनलोड करून प्रिंट काढून घेऊ शकता. त्यामध्ये संपूर्ण माहिती देण्यात आलेली आहे.
परीक्षेच्या काही दिवस आधी प्रवेशपत्र प्रसिद्ध होणार..
मुख्य परीक्षेसाठी उमेदवारांची प्रवेशपत्रे UPSC CSE मुख्य परीक्षा २०२४ परीक्षेच्या तारखेच्या काही दिवस आधी डाउनलोड करण्यासाठी उपलब्ध करून दिली जातील. प्रवेशपत्रे फक्त अशाच उमेदवारांना दिली जातील जे पूर्व परीक्षेत उत्तीर्ण झाले आहेत.
