CBSE - CTET हॉल तिकीट प्रसिद्ध 

एज्युवार्ता न्यूज नेटवर्क 

केंद्रीय माध्यमिक शिक्षण मंडळाने (CBSE) CTET जुलै 2024 परीक्षेसाठीचे हॉल तिकीट  (Hall ticket for examination) 5 जुलै रोजी प्रसिद्ध करण्यात आले आहे. शिक्षक पात्रता परीक्षेसाठी (TET) नोंदणी केलेले उमेदवार अधिकृत वेबसाइटवरून CTET हॉल तिकीट डाउनलोड करू शकतात. CTET परीक्षा 7 जुलै 2024 रोजी होणार आहे. परीक्षेला बसण्यासाठी हॉल तिकीट बंधनकारक आहे.

सीबीएसईच्या अधिकृत वेबसाइट ctet.nic.in  वर हॉल तिकीट डाउनलोड लिंक सक्रिय करण्यात आली आहे. उमेदवार आता त्यांचा अर्ज क्रमांक आणि पासवर्ड वापरून CTET जुलै 2024 हॉल तिकीट डाउनलोड करू शकतात.. हॉल तिकीटावर उमेदवारचे नाव, रोल नंबर, परीक्षा केंद्र, तारीख आणि परीक्षेची वेळ इत्यादी माहिती असेल.

उमेदवारांना परीक्षेला जाताना हॉल तिकीटासह आधार कार्ड, मतदार ओळखपत्र, चालक परवाना, पासपोर्ट, बँक पासबुक, विद्यार्थी ओळखपत्र (विद्यापीठ/शाळेद्वारे जारी केलेले) आदीपैकी एक दस्तऐवज सोबत ठेवावे लागेल. या व्यतिरिक्त उमेदवारला पासपोर्ट आकाराचे दोन फोटो देखील सोबत ठेवावे लागतील. ही छायाचित्रे परीक्षा केंद्रावर उमेदवारच्या पडताळणीसाठी वापरली जातील. तसेच जात प्रमाणपत्र, अपंग उमेदवार असल्यास, त्यांचे अपंगत्व प्रमाणपत्र देखील बाळगणे आवश्यक आहे.  ही परीक्षा देशातील 136 शहरांमध्ये द्विभाषिक (हिंदी आणि इंग्रजी) मध्ये घेण्यात येणार आहे.