शिक्षक-कर्मचाऱ्यांना मोठा दिलासा: ABHA कार्डशिवाय वैद्यकीय प्रतिपूर्ती देयके नाही; जाचक अट रद्द...

एज्युवार्ता न्यूज नेटवर्क 

राज्यातील १०० टक्के अनुदानित खासगी शाळांमधील (Aided private schools) शिक्षक आणि शिक्षकेत्तर कर्मचाऱ्यांसाठी आयुष्मान भारत हेल्थ अकाउंट (ABHA) कार्ड अनिवार्ह केले आहे. मात्र, यामध्ये २२ मे २०२६ च्या एका परिपत्रकाद्वारे ABHA कार्ड न काढणाऱ्या शिक्षक-शिक्षकेत्तर कर्मचाऱ्यांची वैद्यकीय प्रतिपूर्ती देयके  (Medical Reimbursement) स्वीकारली जाणार नसल्याची जाचक अट घालण्यात आली होती. यामुळे कर्मचाऱ्यांमध्ये प्रचंड नाराजी पसरली होती. त्यानंतर आता त्या संदर्भातील जाचक अट (Onerous condition cancelled) रद्द करण्याचा निर्णय घेण्यात आला आहे. शिक्षण संचालनालयाने (Directorate of Education) परिपत्रकाद्वारे याबाबतची माहिती दिली आहे. यामुळे राज्यातील हजारो शिक्षक-कर्मचाऱ्यांना मोठा दिलासा मिळाला आहे. 

माध्यमिक व उच्च माध्यमिक शिक्षण संचालनालयाने २२ मे २०२६ रोजी  एक परिपत्रक जारी केले होते. त्यात ABHA कार्ड काढणे बंधनकारक करताना स्पष्ट नमूद केले होत. त्यामध्ये घेलण्यात आलेल्या ABHA कार्ड नसल्यास ५ लाख रुपयांपर्यंतच्या वैद्यकीय प्रतिपूर्ती देयक स्वीकारले जाणार नाहीत, या अटीमुळे शिक्षक वर्गात प्रचंड संभ्रम, चिंता आणि नाराजी निर्माण झाली होती. अनेक मुख्याध्यापक संघटना आणि शिक्षक संघटनांनी याविरोधात शिक्षण संचालनालयाकडे तक्रारी केल्या होत्या. त्यानंतर हा निर्णय घेण्यात आला आहे. 

ही अट रद्द करण्याचा निर्णय शिक्षक-कर्मचाऱ्यांच्या अडचणी लक्षात घेऊन घेण्यात आला आहे. मात्र, ABHA कार्ड तयार करण्याचे आवाहन कायम आहे. हे कार्ड तयार केल्यास आयुष्मान भारत आणि महात्मा फुले जन आरोग्य योजनेंतर्गत ५ लाखांपर्यंत कॅशलेस उपचारांचा लाभ घेता येईल. ABHA कार्ड ऑनलाइन किंवा कॉमन सर्व्हिस सेंटर (CSC) द्वारे सहज तयार करता येते, असे शिक्षण विभागाकडून स्पष्ट करण्यात आले आहे. 

दुसऱ्या बाजूला शिक्षक संघटनांनी या निर्णयाचे स्वागत केले आहे. तसेच जाचक अटी घालण्याऐवजी जागृती आणि सुलभ नोंदणीवर भर द्यावा, याशिवाय ABHA कार्ड प्रक्रियेत येणाऱ्या अडचणी दूर करण्याची मागणी केली आहे.