CET CEll : MBA/MMS दुसरे सत्राचा आणि B.Desing सीईटी निकाल जाहीर, गुणपत्रिका लॉग-इनमध्ये उपलब्ध

एज्युवार्ता न्यूज नेटवर्क 

महाराष्ट्र राज्य सामान्य प्रवेश परीक्षा कक्षाने (State Common Entrance Test) आज मोठी घोषणा केली. एमएएच-एमबीए/एमएमएस सीईटी २०२६  (MAH-MBA/MMS CET 20026) दुसरे सत्र आणि एमएएच-बी.डिझाइन सीईटी २०२६ चा (MAH-B.Design CET 2026) निकाल जाहीर (Results Declared) करण्यात आला आहे. तसेच गुणपत्रिका (Scorecards) विद्यार्थ्यांच्या  त्यांच्या अधिकृत लॉग-इन खात्यात उपलब्ध करून देण्यात आल्या आहेत. 

दुसऱ्या प्रयत्नाची परीक्षा ९ मे २०२६ रोजी घेण्यात आली होती. यात हजारो विद्यार्थी सहभागी झाले होते. पहिल्या प्रयत्नाचा निकाल ३० मे २०२६ रोजी जाहीर झाला होता, ज्यात ८ विद्यार्थ्यांनी १०० टक्के पर्सेंटाइल मिळवले होते. आता दुसऱ्या प्रयत्नातील विद्यार्थ्यांना देखील आपल्या कामगिरीची माहिती मिळाली आहे. B.Design CET साठीचा निकाल देखील जाहीर करण्यात आला आहे, ज्यामुळे डिझाइन क्षेत्रात करिअर करू इच्छिणाऱ्या विद्यार्थ्यांना मोठा दिलासा मिळाला आहे. 

निकाल कसा तपासावा?

विद्यार्थ्यांनी सीईट सेलचे अधिकृत संकेतस्थळ cetcell.mahacet.org किंवा portal-2026.maharashtracet.org वर जावे. 'उमेदवार लॉग-इनमध्ये नोंदणीकृत ईमेल आयडी आणि पासवर्डने लॉग इन करावे. तिथे गेल्यावर तुम्हाला स्कोअरकार्ड डाउनलोड करता येईल. स्कोअरकार्डमध्ये एकूण गुण, पर्सेंटाइल, रँक आणि इतर महत्त्वाची माहिती असेल. संकेतस्थळावर मोठ्या प्रमाणात ट्रॅफिक येण्याची शक्यता असल्याने विद्यार्थ्यांनी थोड्या वेळाने प्रयत्न करावा. 

एमबीए/एमएमएस निकालानंतर केंद्रीकृत प्रवेश प्रक्रिया (CAP) लवकरच सुरू होणार आहे. कॅपद्वारे राज्यातील नामांकित संस्थांमध्ये प्रवेश मिळणार आहे. विद्यार्थ्यांनी CAP साठी नोंदणी, दस्तऐवज आणि सीट अॅलॉटमेंट प्रक्रियेची तयारी ठेवावी. बी.डिझाइनसाठी देखील संबंधित संस्थांमध्ये प्रवेश प्रक्रिया सुरू होईल.