SPPU: विद्यापीठाचे QS रँकिंग वाढले; स्टेट युनिव्हर्सिटीमध्ये राज्यात पहिल्या तर देशात दुसऱ्या क्रमांकावर

एज्युवार्ता न्यूज नेटवर्क 

क्यूएस वल्ड रँकिंग (qs world ranking)जाहीर झाले असेल त्यात सावित्रीबाई फुले पुणे विद्यापीठाचे (Savitribai Phule Pune University)रँकिंग वाढले आहे. ऑल स्टेट युनिव्हर्सिटी रँकिंगमध्ये पुणे विद्यापीठ महाराष्ट्रात पहिल्या क्रमांकावर (Pune University ranks first in Maharashtra)तर देशात स्टेट यूनिवर्सिटी रँकिंगमध्ये दुसऱ्या क्रमांकावर आहे.ऑलओव्हर रॅंकिंगमध्ये पुणे विद्यापीठाचा 566 वा क्रमांक असून सर्व इंस्टिट्यूट व विद्यापीठांच्या रँकिंगमध्ये पुणे विद्यापीठात भारतात 13 व्या क्रमांकावर आहे. 

जगभरातील शैक्षणिक संस्थांचे क्यूएस वल्ड रँकिंग जाहीर झाले असून त्यात दिल्ली विद्यापीठ 328 व्या क्रमांकावर, अण्णा विद्यापीठ 456 व्या क्रमांकावर आहे. सावित्रीबाई फुले पुणे विद्यापीठ मागील वर्षी 631 ते 640 च्या दरम्यान होते.परंतु, यंदा विद्यापीठाच्या रँकिंगमध्ये 566 पर्यंत वाढ झाली आहे. क्यूएस वर्ल्ड रँकिंग मध्ये मुंबई विद्यापीठ 664 व्या क्रमांकावर आहे तर सिम्बॉयसिस इंटरनॅशनल युनिव्हर्सिटी 696 व्या क्रमांकावर आहे.

 इंडियन इन्स्टिट्यूट ऑफ टेक्नॉलॉजी दिल्ली 123 व्या, आयआयटी बॉम्बे 129 व्या, आयआयटी मद्रास 180 व्या, आयआयटी खरगपूर 215 व्या, आयसर बेंगलोर 279 व्या, आयआयटी कानपूर 222 व्या, आयआयटी गुवाहाटी 334 व्या क्रमांकावर आहे. तर जेएनयु अर्थात जवाहरलाल नेहरू विद्यापीठ 558 व्या क्रमांकावर आहे.