फक्त 25 हजारात AI टीचर रोबोट तयार; बारावीच्या विद्यार्थ्याची कमाल

एज्युवार्ता न्यूज नेटवर्क

उत्तर प्रदेशातील बुलंदशहर येथील शिवचरण कॉलेजमधील इयत्ता बारावीच्या आदित्य या विद्यार्थ्याने केवळ एक एआय टीचर रोबोट तयार केला आहे. १७ वर्षीय आदित्य याने या रोबोटला ‘सोफी’ असे नाव दिले असून हा रोबोट केवळ २५ हजार रुपयांच्या खर्चात त्याने घरीच विकसित केला आहे. हा रोबोट विद्यार्थ्यांना अभ्यासाशी संबंधित माहिती देतो.

‘सोफी’ला विशेषतः विद्यार्थ्यांच्या अभ्यासाशी संबंधित समस्यांना तत्काळ उत्तरे देण्यासाठी डिझाइन करण्यात आले आहे. या रोबोटाचे स्वरूप एका महिला शिक्षिके सारखे आहे.साडी परिधान केलेली महिला एआय रोबोट शिक्षिका वर्गातील विद्यार्थ्यांना शिकवत असल्याचे व्हीडोओ सध्या व्हायरल होत आहेत.

आदित्यचे म्हणाला, तांत्रिक आणि आर्थिक मदत मिळाल्यास मी असे अत्याधुनिक रोबट तयार करू शकतो. जो रोबट केवळ बोलू आणि ऐकूच शकणार नाही, तर लेखन सुद्धा करू शकतील. त्याचप्रमाणे मानवी भावना ओळखू शकतील आणि विद्यार्थ्यांच्या मनोवृत्तीप्रमाणे त्यांना मार्गदर्शनही करू शकतील. आता माझा उद्देश एक 3D मानवीय शिक्षक रोबोट विकसित करण्याचाआहे.

आदित्य यांची ही कामगिरी त्यांच्या कुटुंबासाठी, शाळेसाठी आणि संपूर्ण परिसरासाठी महत्त्वाची मानली जात आहे. एका शालेय विद्यार्थ्याने तंत्रज्ञानाच्या क्षेत्रात केलेले हे योगदान एक मोठे यश मानले जात आहे.सुमारे वर्षभरापूर्वी केरळमध्ये एआय टीचर विकसित करण्यात आला असल्याचे समोर आले होते. आता उत्तरप्रदेशांतील विद्यार्थ्याने एआय टीचर रोबोट विकसित केल्याने मोठे आश्चर्य व्यक्त केले जात आहे.