SBI मध्ये 13 हजारांपेक्षा जास्त रिक्त पदांसाठी अर्ज प्रक्रिया सुरू

 स्टेट बँक ऑफ इंडियाने (State Bank of India) SBI कनिष्ठ सहयोगी (Junior associate) (ग्राहक समर्थन आणि विक्री) पदासाठी एकूण 13 हजार 735 रिक्त जागा जाहीर केल्या आहेत. ( vacancies have been announced for the Post) इच्छुक आणि पात्र उमेदवार 7 जानेवारी 2025 पर्यंत ऑनलाइन अर्ज करू शकतात. अर्ज करण्यासाठी उमेदवार SBI च्या https://sbi.co.in/ या अधिकृत वेबसाइटवर जाऊन फॉर्म भरू शकतात.

यामध्ये सर्वसाधारण वर्गासाठी 5 हजार 870 पदे आहेत. तर EWS श्रेणीसाठी 1 हजार 361 पदे, OBC वर्गासाठी 3 हजार 1 पदे, अनुसूचित जाती आणि जमातीसाठी अनुक्रमे  2 हजार 118 आणि 1 हजार 385 पदे आहेत. या पदासाठी अर्ज करण्यासाठी उमेदवारांकडे कोणत्याही मान्यताप्राप्त विद्यापीठातून पदवीधर असणे आवश्यक आहे. यासोबतच उमेदवारांचे वय 20 ते 28 वर्षांच्या दरम्यान असावे. 1 एप्रिल 2024 पर्यंत वय गृहीत धरले जातील. 

SBI लिपिक भरती अंतर्गत, परीक्षा दोन टप्प्यात घेतली जाईल. प्राथमिक परीक्षा फेब्रुवारी 2025 मध्ये घेतली जाईल, तर मुख्य परीक्षा मार्च/एप्रिल 2025 मध्ये होण्याची शक्यता आहे. प्राथमिक परीक्षा उत्तीर्ण झाल्यानंतर उमेदवारांना मुख्य परीक्षेला बसण्याची संधी मिळेल. याशिवाय मुख्य परीक्षेनंतर भाषा प्राविण्य चाचणीही घेतली जाईल. ज्यामध्ये उमेदवारांना स्थानिक भाषेतील प्राविण्य सिद्ध करावे लागेल.

खुला संवर्ग  , OBC आणि EWS श्रेणीतील उमेदवारांना 750 रुपये अर्ज शुल्क भरावे लागेल. तर इतर सर्व प्रवर्गातील उमेदवारांना अर्ज शुल्कात सूट देण्यात आली आहे. अधिक तपशीलांसाठी, उमेदवार अधिकृत वेबसाइटची मदत घेऊ शकतात.